The Definitive Guide to Living in the Capital , Cairo , Egypt

أغلبنا دلوقتي بيعتمد بشكل أساسي على الكمبيوتر في شغله. أيًا كان المجال اللي بتشتغل فيه، لازم يكون التعامل مع الكمبيوتر جزء منه. ولأن طول فترة القعدة قدام شاشة الكمبيوتر مضرة للعين، فلازم نهتم بشوية نصائح للحفاظ على عينينا من أضرارها. 

في الأول تعالوا نعرف أسباب إجهاد العين:

 – قلة الترميش: ودي عادة بتؤدي لإجهاد العين بشكل كبير، لأنها بتسبب جفاف العين.

 – التركيز بشكل مبالغ فيه، في شاشة الكمبيوتر. وخاصة لما نركز أوي في الكلام المكتوب بخطوط صغيرة أوي، ولفترة طويلة.

 – السطوع الزائد للشاشة، واللي بيؤدي لضعف النظر على المدى الطويل.

 

نيجي بقى للنصائح المهمة اللي بتحمي العين من أضرار الكمبيوتر:

1- الالتزام بوضعية مناسبة قدام شاشة الكمبيوتر.

ده بيكون عن طريق المحافظة على مسافة 50 سم على الأقل، بين الشاشة والعينين.  وكمان لازم يكون مستوى الشاشة أقل من مستوى النظر. علشان زاوية النظر تبقى لتحت، مش في خط مستقيم.

2- الاحتياط التام من انعكاسات الشاشة.

عن طريق تخفيض السطوع. واستخدام فلتر مضاد للوهج.

3- قاعدة (20 – 20 – 20).

بمعنى كل 20 دقيقة، لازم نبعد نظرنا عن الشاشة لمدة 20 ثانية. ونوجه النظر لأي حاجة بعيدة، على الأقل 20 قدم.

4- لازم نريح العين لمدة 15 دقيقة كل ساعتين.

5- لازم نرمش باستمرار، لأن ده بيساعد على ترطيب العين.

 

اعتمد المقال على معلومات علمية من موقع صحتك.