The Definitive Guide to Living in the Capital , Cairo , Egypt

صحة ولياقة

نصائح لرعاية مصابي فيروس “كورنا” في البيت

اصابة المنزل عزل علاج فيروس كورونا نصائح
نصائح لرعاية مصابي فيروس “كورنا” في البيت
بواسطة
Mohamed Talaat

بعد انتشار فيروس “كورونا” المستجد في عالمنا، أصبح فيه أزمة في القطاع الصحي في كل الدول تقريبًا، وفي مصر الأعداد بدأت في التزايد مؤخرًا، وتخطى عدد الحالات المعلنة 20 ألف حالة، ومن هنا وزارة الصحة المصرية طالبت المصابين بفيروس “كورونا” أنهم يعزلوا نفسهم في البيت تحت إشراف الأطباء، علشان يكون فيه مكان في المستشفيات للحالات الحرجة اللي محتاجة رعاية خاصة.

ولأن المصابين بالفيروس بيحتاجوا رعاية كاملة علشان يقدروا يخفوا بسرعة، في السطور الجاية هنقول لكم على مجموعة النصائح المهة اللي هتعرفكم إزاي تساعدوا وتدعموا بعض في العزل المنزلي.

في البداية مهم نفهم إن مريض فيروس “كورونا” بيكون محتاج للدعم النفسي ورفع الروح المعنوية بدرجة كبيرة لأن الأمر ده بيساعد على الشفاء بسرعة، ود طبقًا لآراء خبراء علم النفس.

كمان لازم توفروا لمريض “كورونا” كل احتياجاته اليومية، زي الأكل والشرب من خلال طلبها دليفري، ويفضل عدم الخروج علشان لو المساعد للمريض حمل المرض مايضرش حد.

تعقيم الحمام اللي بيستخدمه مريض “كورونا” أمر مهم جدًا، علشان نحمي باقي الأفراد في البيت من الإصابة بالفيروس.

طول الوقت فكروا المريض بتعليمات ونصائح الأطباء وكمان نصائح وتعليمات وزارة الصحة ومنظمة الصحة العالمية اللي بتتنشر في وسائل الإعلام المختلفة، وحافظوا على مواعيد الأدوية، ولازم توفروا للمصاب كل سبل الراحة، ودايمًا المريض يشرب سوائل كتير علشان الجسم يكون رطب وتقل درجة حرارته اللي بترتفع بسبب الفيروس.

ودايمًا كونوا على تواصل  مع الطبيب المعالج، واستشيروه طول الوقت في أي حاجة تظهر على المريض، علشان تقدروا تعدوا بالحالة إلى بر الأمان.

وماتنسوش لو فيه حيوان أليف في البيت مايتعاملش مع المريض قدر الإمكان علشان ماينشرش العدوى في البيت.

ألف سلامة!

مقترح