The Definitive Guide to Living in the Capital , Cairo , Egypt

رمضان كريم! وفي شهر البركة بيحلى للمصريين الأكل الكثير بمجرد سماع صوت مدفع الإفطار، وده بيتسبب في زيادة الوزن للأسف، وعلشان تحافظ على وزنك في رمضان، بتقول لك وزارة الصحة والسكان إنه فيه مجموعة من الخطوات اللي هتساعد كل الصائمين. تعالوا نعرفها.

 

نصائح وزارة الصحة المصرية للحفاظ على الوزن في رمضان

1- تقسيم وجبة الإفطار على مرتين.

2- تناول الأطعمة الغنية بالألياف لأنها بتدي الإحساس بالشبع.

3- الابتعاد عن الأطعمة المقلية والدهنية والحلويات.

4- يجب ممارسة الرياضة باستمرار خلال شهر رمضان.

 

ومن جانبه بينصح المعهد القومى للتغذية بتجنب تناول الشاي والقهوة بعد وجبات السحور لأنهم من مدرات البول وبالتالي هيفقد الجسم جزء كبير من المياه، والأمر ده هيؤدي للشعور السريع بالعطش في فترات مبكرة من النهار.

وكشف المعهد القومى للتغذية عن أضرار الإفراط في المقليات والوجبات الدسمة وقال إن الدهون الموجودة في الأطعمة المقلية بتعمل على زيادة الوزن بسبب تأثيرها على الهرمونات اللي بتضبط الشهية وتخزن الدهون خصوصا في منطقة البطن.

وبيحذركم المعهد من إن الإصابة بالسمنة بترتبط بالعديد من المضاعفات الصحية المختلفة، اللي أهمها ارتفاع ضغط الدم والإصابة بمرض السكري من النوع الثاني.