The Definitive Guide to Living in the Capital , Cairo , Egypt

صحة ولياقة

وأنت بتسمع موسيقى هادية.. 6 مشروبات للحصول على الدفء والطاقة في الشتاء

أحلى مشروب في الشتاء السحلب الشتاء مشروبات الشتاء مشروبات للدفء مشروبات للطاقة في الشتاء
وأنت بتسمع موسيقى هادية.. 6 مشروبات للحصول على الدفء والطاقة في الشتاء
بواسطة
Mohamed Talaat

الشتاء بدأ بشكل عملي. حقيقة هتحس بيها من النهارده.. وفي الموضوع ده هنعرفكم على 6 مشروبات تقدروا تستمدوا مهم الدفء والطاقة في أيام الشتاء، سواء في النهار أو بالليل. وآه بقى لو استمتعت مع مشروب منهم بموسيقى هادية، وهنا بنرشح لك تسمع إذاعة البرنامج الموسيقى على تردد FM 98.8.

1 – شاي الزنجبيل بالليمون والنعناع

من أهم المشروبات الصحية اللي بتفيد الجسم. بيعالج سوء الهضم وأمراض القولون والجهاز التنفسي، كمان بيساعد على تدفئة الجسم في برد الشتاء.

2 – شاي القرنفل

واحد من أفضل المشروبات الصحية اللي بيساعد على تحسين عمل الجهاز الهضمي، وبيساعد كمان على تدفئة الجسم في برد الشتاء.

3 – السحلب

السحلب واحد من أشهر المشروبات الشتوية. بيحتوي على كتير من القيم الغذائية، كمان بيساعد على تدفئة الجسم، وممكن تحضيره بالجوز هند والمكسرات بطريقة سهلة وسريعة.

4 – القرفة باللبن

واحد من أفضل المشروبات الصحية واللي بتساعد على خسارة الوزن الزائد وإزالة الدهون، وممكن تحضيره خلال 3 خطوات، كوب كبير من اللبن، و2 ملعقة صغيرة من القرفة المطحونة، وملعقة صغيرة من الفانيليا السائلة، وملعقة صغيرة من العسل الأبيض وبيتم تناوله ساخن.

5 – الهوت تشوكليت بالمارشميلو

مشروب عظيم. تقدر تحضره بسهولة عن طريق تجهيز الكاكاو الساخن أو (الهوت تشوكليت) من الحليب ومسحوق الكاكاو والسكر ويغلى كويس، وبعدها تحط مجموعة من حبات المارشميلو على سطح المشروب. واستمتع بأجمل مشروب هيمد جسمك بطاقة إضافية.

6 – شاي الزنجبيل والليمون

ببساطة شديدة هتغلي شرائح الزنجبيل الطازج مع عصير الليمون وشرائح الليمون الكاملة مع القشر، وده مشروب بيعتبر من المشروبات الساخنة المحاربة لنزلات البرد.

 

بنتمنى لكم كل الصحة والنشاط والدفء في أيام الشتاء!

مقترح