The Definitive Guide to Living in the Capital , Cairo , Egypt

الصورة الرئيسية: Nick Fewings

أخبار الحروب، الكوارث، الحرائق، والغلاء.. كلها بقت جزء من يومنا، وبقت كفيلة إنها تسرق راحتنا النفسية من غير ما نحس. وفي وسط كل ده، مهم نفتكر إن صحتنا النفسية لا تقل أهمية عن صحتنا الجسدية. علشان كده، جمعنالك 11 نصيحة بسيطة لكن فعالة، هتساعدك تسترجع هدوءك وتوازن نفسك وسط كل التوتر ده.

1. خُد وقت لنفسك

كفاية جلد ذات! دلّع نفسك بحاجة بتحبها، زي إنك تتعلم حاجة جديدة، تزرع شجرة، تعزف، أو حتى تاخد كورس أونلاين يعجبك.

2. ابدأ يومك بفنجان قهوة.. وأغنية

ابدأ يومك بحاجة تحبها زي القهوة أو الشاي الأخضر، واسمع أغنيتك المفضلة. التفاصيل الصغيرة دي بتفرق.

3. العقل السليم في الجسم السليم

كل كويس، اشرب ميه كتير، وقلل التدخين أو أي عادة مضرة. صحتك الجسدية أول خطوة لصحة نفسية أحسن.

4. ما تبعدش عن الناس اللي بتحبك

عيلتك، صحابك، أو حتى ناس جدد بتتعرف عليهم.. العلاقات الحلوة بتقويك وتحسسك بالأمان.

5. ساعد غيرك

اتطوع، ساعد في حاجة بسيطة، أو حتى اسمع لحد.. ده بيرجعلك طاقة نفسية إيجابية مش هتتخيلها.

6. درب نفسك على التعامل مع القلق

الحياة فيها ضغط، لكن جرب رياضة خفيفة، التأمل، أو حتى حضن حيوانك الأليف.. كل ده بيريح.

7. حط أهداف واقعية

ابدأ بأهداف صغيرة، واكتبهم خطوة خطوة. كل إنجاز بسيط هو خطوة لتقديرك لنفسك.

8. اكسر الروتين

غير مكان قهوتك، جرّب مطعم جديد، زين أوضتك.. حاجات بسيطة بتنعش النفس.

9. الحب مش ضعف

قول كلمة حلوة، عبر عن مشاعرك، وافتكر إن العلاقات العاطفية الصحية هي مصدر كبير للسعادة.

10. بلاش مسكنات مزيفة

الخمور والمخدرات مش هتداوي.. بالعكس، هتزود الطين بلّة. واجه مشاكلك بطريقة صح.

11. اطلب المساعدة لو محتاج

مافيش عيب في إنك تطلب دعم أو تتكلم مع متخصص. دي قوة مش ضعف.