Mohamed Talaat
الإدمان وحش خطير، بياكل شخصيتك وروحك. لو حصل وسيطر عليك، لكن لازم تلحق نفسك وترجع لشخصيتك. اللي بتتلغي مع إدمانك سواء للمخدرات أو الكحوليات.
احنا جمعنالك أهم 3 مراكز تتعالج بيهم بأجر رمزي يبدأ من 1 جنيه حتى 5 جنيه، وبكل سرية تامة:
مستشفى العباسية
مختصة بالعلاج النفسي والإدمان. فيها إقامة للرجال والسيدات، وعنبر خاص للمراهقين. العلاج بيتصرف مجانًا. وكمان فيه عندهم أقسام اقتصادية للعلاج بتبدأ من 300 جنيه، لحد 1000 جنيه.
العنوان: منطقة الاستاد، العباسية
رقم التليفون: 022290528 – 0224152631
صفحة فيسبوك.
مستشفى المطار
متخصصة لعلاج مرضى الإدمان، وفيها قسم للتأهيل لعدم رجوعه. المستشفى بتتبع سياسة العلاج الترفيهي، من خلال التأهيل البدني والرياضي. هتشارك معاهم في محاضرات علشان مترجعش تاني للإدمان، وهتشارك في برنامج منع الانتكاسة وبرنامج الإرشاد الأسري. وكمان فيه قسم متخصص لعلاج إدمان السيدات بسرية تامة.
العنوان: آخر طريق المطار القديم، ورا محطة بنزين التعاون. جنب المبني الإداري لمصر للطيران.
رقم التليفون: 01100232349
مستشفى حلوان
المستشفى مقامة على مساحة تبلغ 40 فدان، فيها أقسام للرجال، السيدات، المراهقين، والأطفال. مجاني واقتصادي. وبتعالج الجميع من الإدمان. العيادات الخارجية عندهم شغالة كل يوم. عندهم وحدة علاج تأهيلي. وبتتميز إن فيها حجز داخلي، متخصص للمراهقين للقضاء على الإدمان.
العنوان: امتداد شارع منصور – بين العزبتين – حلوان.
رقم الهاتف:0225547368
صفحة فيسبوك.
لو محتاج مساعدة في علاج الإدمان فورًا، اتصل على الخط الساخن 16023، الخاص بصندوق مكافحة وعلاج الإدمان والتعاطي. هيرد عليك أخصائي مدرب على توجيهك ومساعدتك. وممكن لأي استفسار تتواصل من خلال صفحة فيسبوك الرسمية.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
