The Definitive Guide to Living in the Capital , Cairo , Egypt

مع كل سنة جديدة، دايمًا بنفكر إزاي نكون فيها أحسن من اللي قبلها. ونتعلم من أخطاء حصلت علشان ماتتكررش. قبل ما ندخل في 2019، دي 5 حاجات لازم تتخلص منها، حسب ما نشرت مجلة “هي”:

1- الذكريات السلبية

مع بداية السنة الجديدة لازم تتخلص من كل ذكرى سلبية، أثرت على حياتك بأي شكل. علشان تقدر تكون في أفضل حالاتك، وتستقبل سنة جديدة أحسن من اللي قبلها.

2- كل مسببات القلق والتوتر

سيب أي حاجة بتسببلك القلق والتوتر، ابعد عنها حتى لو كان ده في الأول صعب. خد القرار، وابدأ مرحلة جديدة بدون أي ضغوط.

3- الصداقة المزيفة

الصاحب اللي بجد، هو اللي يكون معاك وقت الشدة قبل الفرح. ده النوع اللي لازم تحافظ عليه، وتفضل جنبه. أما الصاحب المزيف، اللي وجودة في وقت الانبساط بس، شيله من حياتك. خليك وسط الناس اللي بيحبوك وتحبهم.

4- العادات الخاطئة

كل عادة غلط بتعملها حاول بأي طريقة توقفها. السهر، التدخين، أكل الشارع وغيرهم كتير. دي خطوة هتساعدك بشكل كبير تدخل مرحلة أفضل من حياتك. خصوصًا لما تكون بكامل صحتك.

5- الطيبة الزائدة والثقة المبالغ فيها

لازم تحط حد للطيبة الزائدة في التعامل مع الناس. وكمان قلل الثقة العمياء في كل شخص تكون لسه متعرف عليه. لأن الطيبة دي غالبًا بتنتهي بخذلان. والثقة بيكون وراها صدمات كبيرة. طبعًا نقصد لو كانت مع الأشخاص الغلط.