The Definitive Guide to Living in the Capital , Cairo , Egypt

صحة ولياقة

5 مشروبات طبيعية هتقوي مناعتك في الشتاء

اليانسون حليب دافئ زنجبيل شوربة الدجاج عسل نحل فراخ بلدي قرفة ليمون مغلي الزنجبيل
5 مشروبات طبيعية هتقوي مناعتك في الشتاء
بواسطة
Cairo 360

في الشتاء الأمراض المعدية بتنتشر بسبب انخفاض حرارة الطقس اللي بتضعف المناعة، طب إيه الحل؟ الدكتورة منى أيمن خبيرة التغذية، قالت لموقع فيتو إن التغذية الصحية السليمة هي سر الحفاظ على مناعة الجسم ومقاومة جميع الأمراض خاصة في فصل الشتاء.

وبتقول كمان إنه مهم نركز على تناول الفاكهة والخضراوات الطازجة واللحوم والبقوليات، والأهم من كل ده الاهتمام بتناول الماء وممارسة الرياضة.

وذكرت كمان 5 مشروبات طبيعية بتزود من قوة الجهاز المناعى للجسم، وبتخلينا نقدر نقاوم أمراض الشتاء، منها:

1 – كوب ماء دافئ مع عصير ليمونة وملعقة عسل نحل على الريق لما نصحى من النوم الصبح.

2 – مغلي الزنجبيل مع القرفة وهو مشروب مضاد للأكسدة وبيقوى المناعة ويطرد السموم من الجسم، لكن ممنوع المشروب ده لكل مرضى الضغط والمعدة.

3 – شوربة الدجاج البلدى مش الفراخ البيضاء، وهى من أفضل السوائل التي بتمد الجسم بالعناصر الغذائية المهمة كمان بتقوى المناعة ويفضل تناولها مع الليمون في الشتاء.

4 – اليانسون، وهو مشروب عشبى بيحافظ على صحة الجهاز التنفسي، وبيقلل حدة السعال وبيقوى المناعة وبيمنح الشعور بالدفء في الشتاء، علشان كده يفضل تناوله من مرتين إلى 3 مرات يوميًا.

5 – حليب دافئ محلى بالعسل، وهو من المشروبات المهمة لتقوية المناعة خاصة للصغار، كمان بيساعد على الاسترخاء والنوم المريح في الشتاء ويفضل تناوله قبل النوم.

مقترح