Mohamed Talaat
رياضة البادل بقت تريند واضح في مصر الفترة الأخيرة، وخصوصًا في الشيخ زايد اللي بقت مليانة ملاعب حديثة بتستقبل كل الناس، سواء مبتدئين أو محترفين. اللعبة مش بس تسلية، لكنها كمان طريقة حلوة تفصل بيها من ضغط اليوم، وتتحرك شوية، وتقضي وقت لطيف مع أصحابك.
في الدليل ده، هتلاقي 4 من أفضل أماكن لعب البادل في الشيخ زايد، كل واحد فيهم ليه مميزاته وتجربته الخاصة.
Padbol Egypt – ZED Sports Complex
لو بتدور على تجربة بادل متكاملة، يبقى المكان ده من أول الاختيارات اللي لازم تحطها في بالك. الملاعب هنا متجهزة بمعايير عالية جدًا، وبتديك حرية الاختيار بين اللعب في مساحات مفتوحة وسط الخضرة أو صالات مكيفة. كمان مستوى النظافة والتنظيم واضح، والتعامل من المدربين والستاف مريح واحترافي.
العنوان: الشيخ زايد، محافظة الجيزة.
رقم التليفون: 01802622 012
للتواصل مع Padbol Egypt – ZED Sports Complex من خلال الفيس بوك اضغط هنا.
Padel Tribe
لو بتحب اللعب في هدوء وتركيز، المكان ده هيكون مناسب جدًا ليك. الملاعب هنا مساحتها مناسبة سواء للعب الجماعي أو الفردي، وبتوفر خصوصية كويسة تساعدك تستمتع باللعبة. غير كده، المكان نظيف ومنظم، وفيه غرف تغيير ملابس وكافيه تقدر تقعد فيه بعد اللعب وتشرب حاجة أو تاكل.
العنوان: Telal Al Guezira Compound، الشيخ زايد، محافظة الجيزة.
للتواصل مع نادى Padel Tribe على الإنستجرام اضغط هنا.
Padel Dose
واحد من الاختيارات اللي تنفع لكل المستويات. سواء لسه بتبدأ أو عندك خبرة، هتلاقي مساحة مناسبة ليك. المكان بيهتم بتوفير تدريبات كويسة تساعدك تطور مستواك، وكمان فيه تنظيم واضح يخلي تجربة اللعب مريحة وسلسة.
العنوان: محور 26 يوليو، الشيخ زايد، محافظة الجيزة.
رقم التليفون: 22267554 011
للتواصل مع نادى Padel Dose على الموقع الإلكتروني اضغط هنا.
Lets Padel
مكان مناسب جدًا لو عاوز تلعب في أجواء مريحة ومنظمة، خصوصًا إن المساحات فيه واسعة ومريحة أثناء اللعب. كمان الأدوات والخامات المستخدمة جودتها عالية، والأسعار تعتبر معقولة سواء للحجز أو الاشتراك. المميز هنا كمان وجود تدريبات منظمة على إيد مدربين كويسين، سواء للكبار أو الأطفال اللي لسه بيبدأوا.
العنوان: طريق وصلة دهشور، الشيخ زايد، محافظة الجيزة.
رقم التليفون: 46817880 011
للتواصل مع نادى Lets Padel من خلال الإنستجرام اضغط هنا.
وأخيرًا..
قدمنا لك في السطور اللي فاتت دليل سريع لأفضل أماكن لعب البادل في الشيخ زايد. اختار المكان اللي يناسبك، وانزل العب شوية.. يمكن تلاقي نفسك لقيت رياضتك الجديدة المفضلة.
