The Definitive Guide to Living in the Capital , Cairo , Egypt

زي النهاردة 20 فبراير 1933، اتولد الفنان الجميل سيف الله المختار، اللي كان من أشهر الممثلين الثانويين في السينما المصرية، واشتهر من بداية السبعينيات وحتى نهاية الثمانينيات بأدواره الثانية والثالثة في أقوى الأفلام في الوقت ده، واستمر عطاءه الفني حتى وفاته عام 1989 في سن 56 سنة، وفي السطور الجاية هنقولكم على 5 معلومات عنه تعرفكم عليه أكتر.

1- الفنان الراحل سيف الله المختار، شارك على مدار مشواره الفني في عشرات الأدوار، وكان مشهور بدور الشخص الساذج أو المخمور، وبرع جدًا في المنطقة دي.

2- أغلبية أفلامه اللي شارك فيها كان بيتعجب في أي موقف بكلمة “أباااا”، واشتهر بيها.

3- أشهر الأفلام اللي شارك فيها هي: “ممنوع في ليلة الدخلة، رجب فوق صفيح ساخن، الراقصة والطبال، الاحتياط واجب، هنا القاهرة”.

4- جملته الشهيرة “أنتوا يا بتوع البنزيما” في فيلم “محطة الأنس” من أشهر جمله على الإطلاق واللي لسه بتتداول لحد دلوقتي.

5- صاحبته إشاعة أنه شقيق الفنان أحمد رمزي، وده كلام غير صحيح لأن رمزي ملوش غير أخ واحد وبيشتغل طبيب.