أهم فعاليات فنية وثقافية هتحصل في القاهرة في أبريل 2024
آمال ماهر أحداث ثقافية في القاهرة حفلات فنية حفلات في 2024 فعاليات فنية في أبريل 2024 مهرجان التحرير
Cairo 360
“بعد العيد إن شاء الله” جملة بنقولها علشان نشرح للناس أننا مش متاحين لحد بعد إجازة العيد. وفي شهر أبريل 2024، ومن بعد إجازة العيد، هتشهد القاهرة مجموعة مميزة من الفعاليات الفنية والثقافية اللي تستحق نستعد لحضورها “بعد العيد إن شاء الله”.
تعالوا نعرف أهم الفعاليات الفنية والثقافية اللي هتحصل في القاهرة في أبريل 2024!
مهرجان التحرير الثقافي بالجامعة الأمريكية
حدث مهم بتستضيفه الجامعة الأمريكية بالقاهرة، وهو مهرجان التحرير الثقافي بوسط البلد، واللي هيبدأ من يوم الأربعاء 17 أبريل وهيستمر لحد يوم الاثنين 22 أبريل. المهرجان بيستهدف الاحتفاء بروح القاهرة وتاريخها، من خلال جلسات ممتعة عن تاريخ القاهرة وشعبها وثقافتها المتطورة والثرية.
المهرجان هيحتضن كمان مساء الخميس 18 أبريل حفل غنائي لفرقة مسار إجباري (احجزوا التذاكر من هنا).
ما يفوتكش تحضروا خلال فعاليات المهرجان معرض الكتب والسوق المحلي والمعارض الفنية.
للتسجيل لحضور المهرجان اضغطوا هنا.
آمال ماهر في الماركيه
آمال ماهر هتغني على مسرح الماركيه بكايرو فيستيفال سيتي مول، يوم الجمعة 19 أبريل الساعة 9 مساء.
تقدروا تحجزوا التذاكر من خلال منصة تيكتس مارشيه.
حفل عالمي بمنطقة الأهرامات
عشاق الموزع الموسيقي العالمي “مترو بومين” على موعد مع حفل ضخم بمنطقة الأهرامات في كونداليني جراند بيراميدز يوم الثلاثاء 30 أبريل.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
