اعرفوا كل الخدمات اللي بيوفرها “أبلكيشن”معرض الكتاب 2020
Cairo Book Fair App أرض المعارض القاهرة الدولي تحميل تطبيق المعرض تطبيق تطبيق معرض الكتاب جمال حمدان كتب معرض القاهرة الدولي للكتاب معرض الكتاب
Mohamed Talaat
التكنولوجيا لو تم استغلالها بشكل كويس بتكون عامل مساعد في تسهيل أمور كتير، وعلشان أهمية تطبيقات الموبايل في حياتنا كلنا، إدارة معرض القاهرة الدولي للكتاب في دورته الـ51، أعلنت عن إطلاق تطبيق “Cairo Book Fair” اللي بيتضمن مجموعة من الأنشطة والمعلومات المهمة والبيانات الكاملة الخاصة بكل الكتب اللي مشاركة في المعرض السنة دي، وفي السطور الجاية هنقولكم على كل اللي محتاجين تعرفوه عن التطبيق ده وكمان رابط تحميله.
من خلال التطبيق هتقدروا تعرفوا أنواع الكتب وأسماء دور النشر المشاركة في المعرض وأماكنهم ورقم التليفون الخاص بيهم.
التطبيق هيديكم معلومات كمان عن شخصية معرض الكتاب 2020، المؤرخ الكبير الراحل جمال حمدان.
التطبيق هيتيح لكم كمان تعملوا سيرش على قاعدة بيانات الكتب المعروضة في المعرض، وهتقدروا تعرفوا أسعارها، ومعلومات عنها.
كمان هتقدروا من خلال التطبيق تتعرفوا على دور النشر وأماكن تواجدها في المعرض سواء برقم القاعة أو تحديد المكان بالظبط داخل القاعة، ولو هتشتروا كتب تقدروا تعملوا القائمة الخاصة بيكم من خلال التطبيق وتعرفوا تكلفتها كام قبل حتى ما تشتروا الكتب، ده غير إن التطبيق هيعرض كل تفاصيل كل فعاليات معرض الكتاب 2020 وهيبلغكم بمكانها وميعادها والشخصيات العامة اللي هتحضر والمتحدثين في الفعاليات دي.
وكل فعالية هتكون مفصلة بالمكان والزمان والأسماء، وكمان بيتمتع التطبيق بخريطة متحركة شبيهة لنظام GPS، هتعرفكم إزاي تروحوا المكان اللي محتاجينه بدون إرهاق أو تعب.
ولو عاوزين تحملوا التطبيق تقدروا تضغطوا هنا.
مقترح
صحة ولياقة
اسكيت X.. أول أكاديمية في مصر بتعلم التزلج لأبطالنا من أصحاب الهمم!
أصحاب الهمم أكاديمية سكيت X +12
معالم وسياحة
