The Definitive Guide to Living in the Capital , Cairo , Egypt

عشاق الكتب على موعد مع معرض كتاب الدقي لسنة 2020، واللي هيقدم لكم مجموعة كبيرة من الكتب بأسعار مخفضة، والمعرض زي كل سنة بيتم بالتعاون مع مجموعة “ميكروفون”، وتقدروا من خلاله تشتروا كتير من الكتب بأسعار مناسبة.

المعرض بيعتبر فرصة بديلة لكل اللي فاته حضور معرض القاهرة الدولي للكتاب، لأنه بيضم مجموعة متنوعة ومختلفة من الكتب، وبتشارك فيه كتير من دور النشر المختلفة، وكمان بيقام خلاله كتير من الفعاليات الثقافية وحفلات التوقيع.

المعرض بيقدم لجمهوره كتب جديدة ومستعملة، في مجالات كتير من الفكر والأدب والفن وغيرها، وبيعتبر فرصة مميزة للطلبة والباحثين على وجه الخصوص.

والجميل إن المعرض السنة دي هيكون فيه ربع مليون كتاب مخفَّض بأسعار تبدأ من 5 جنيه وخصومات هتوصل لحد 75%.

هيقام معرض كتاب الدقي 2020 خلال الفترة من 5 ولحد 10 مارس الجاي، وهيفتح أبوابه مجانًا أمام الجمهور من الساعة 10 صباحًا ولحد الساعة 10 مساءً.

ومعرض كتاب الدقي 2020 هيكون في  فيلا إبداع، بـ28 شارع جابر بن حيان، المتفرع من شارع الدقي.

المعرض السنة دي أعلن عن خصم إضافي ثابت بنسبة 10% لطلاب جامعة القاهرة بموجب تقديم الكارنيه، ومن بين دور النشر والمكتبات المشاركة بمعرض كتاب الدقي 2020 «نهضة مصر، عصير الكتب، البشير، تويا، المصرية اللبنانية، الألف كتاب، المحروسة، بتانة، بداية، مدارات، تكوين، مكتبة مصر، زيرو وان».

وبيتكون معرض كتاب الدقي 2020 من أقسام مختلفة، وهي:

قسم الكتب المستعملة.

قسم دور النشر المصرية.

ركن الكتب الإنجليزية.

ركن الأطفال ويضم كتب وألعاب تعليمية.

ركن المستلزمات والمشغولات اليدوية.

 ركن الخط العربي.

ركن الكتب المجانية وتبرعات القُرّاء.