The Definitive Guide to Living in the Capital , Cairo , Egypt

مع تصنيف منظمة الصحة العالمية لانتشار فيروس كورونا المستجد كـ “وباء”.. الحكومة المصرية خدت مجموعة قرارات مهمة الهدف منها الحفاظ على أرواح المواطنين، ومنع انتشار الفروس، وطبعًا كان على رأس القرارات دي إلغاء كل الفاعليات الثقافية والفنية منعًا للتجمعات الكبيرة، واللي بتكون فرصة لانتقال الفيروس من شخص للتاني، بالإضافة لضرورة الإلتزام بالتواجد في البيوت وعدم النزول للشوارع إلا للضرورة.

ومن هنا جه دور وزارة الثقافة اللي بتقدم خدمتها للجمهور برغم صعوبة الظرف، وأطلقت شعار “خليك في البيت.. الثقافة بين إيديك” واللي بناءً عليه هيتم عرض كل العروض التابعة لدار الأوبرا المصرية يوميًا أونلاين من الساعة 9 مساءً بدايةً من 24 مارس ولحد 30 أبريل، وده هيكون من خلال لينك القناة الخاصة بوزارة الثقافة اللي تقدروا تشوفوها من هنا.

واحنا بدورنا في كايرو 360 بنفكركم بأهمية الالتزام بقعدة البيت الفترة اللي جاية، ومتخروجوش منه إلا للضرورة جدًا، وفي حالة خروجكم ياريت تلتزموا بكل سبل الوقاية اللي منها الكمامة والجوانتي.. وتخلوا مسافة بينكم وبين الأشخاص لاتقل عن متر، وكمان تغسلوا إيديكم دايمًا سواء بالمياه والصابون أو بالمطهرات والكحول، وبنتمنى السلامة لكل أهل مصر المحروسة.