The Definitive Guide to Living in the Capital , Cairo , Egypt

عشاق الكتب أكيد منتظرين انطلاق معرض القاهرة الدولي للكتاب، واللي هتنطلق فعاليات دورته الـ52 بعد أسابيع قليلة، وبالتحديد في الفترة من 30 يونيو إلى 15 يوليو 2021، بمركز مصر للمعارض الدولية بالتجمع الخامس، وده بعد تأجيله من موعده الأصلي في 23 يناير اللي فات بسبب تداعيات فيروس كورونا المستجد.

 في الموضوع ده هنعرفكم على تفاصيل الدورة الجديدة من خلال 5 معلومات فيهم الخلاصة:

1 – هتحمل الدورة الـ 52 من المعرض شعار “هوية مصر: الثقافة وسؤال المستقبل”.

2 – وقع اختيار اللجنة على الكاتب يحيى حقي علشان يكون شخصية المعرض السنة دي.

3 – لأول مرة بتقرر اللجنة اختيار شخصية خاصة لمعرض كتاب الطفل، ووقع الاختيار السنة دي على الكاتب عبد التواب يوسف.

4 – هيتم الاحتفاء بمئوية الكاتب والمترجم ثروت عكاشة، والشاعر صلاح عبد الصبور من خلال أحد محاور الفعاليات الثقافية بالمعرض، إضافة إلى طباعة مجموعة من مؤلفاتهم.

5 – اللجنة العليا لمعرض القاهرة الدولي للكتاب، استقرت على أن هيكون فيه حجز إلكتروني عبر الموقع الرسمي للمعرض، لتحديد أعداد الدخول والخروج من المعرض لمنع التكدس أمام البوابات، وللحفاظً على أرواح المواطنين من فيروس كورونا.

وأخيرًا، بننصحكم تحددوا من البداية الكتب اللي حابين تشتروها، علشان كل مجموعة من الزوار هيكون لها وقت محدد داخل المعرض وبعدها هتخرجوا علشان تدخل مجموعة تانية وهكذا.