The Definitive Guide to Living in the Capital , Cairo , Egypt

لو كنتم من عشاق تاريخ القاهرة، تقدروا تحضروا ندوة مفتوحة للجمهور في مقر بيت السنارى الأثري بحي السيدة زينب بالقاهرة، بعنوان “القاهرة في خرائط الحملة الفرنسية”، واللي هتكون يوم الخميس الموافق 31 مارس الساعة 7 مسًاء.

تعالوا نتعرف على 5 معلومات عن الفعالية دي:

1 – ندوة “القاهرة في خرائط الحملة الفرنسية” بتنظمها مكتبة الإسكندرية بالتعاون مع مبادرة سيرة القاهرة.

2 – بتركز الندوة على طريقة قراءة جغرافيا مدينة القاهرة، وتتبع ملامحها وتطورها العمراني من خلال خرائط الحملة الفرنسية، وهي الخرائط اللي نفذتها اللجان العلمية المصاحبة للحملة الفرنسية على مصر، وهي جزء من المجلد الضخم الشهير اللي نفذه علماء الحملة عن كل كبيرة وصغيرة في مصر بشكل عام، والقاهرة بشكل خاص.

3 – هيقدم المحاضرة الدكتور عاطف معتمد؛ أستاذ الجغرافيا بكلية الآداب جامعة القاهرة، الحاصل على جائزة الدولة التشجيعية عام 2009 في العلوم الاجتماعية، واللي له العديد من المؤلفات والتراجم.

4 – مبادرة سيرة القاهرة اللي بتنظم الفعالية دي، هي مبادرة شبابية مستقلة هدفها الحفاظ والتعريف والتوعية بتراث وتاريخ وآثار مدينة القاهرة.

5 – علشان تعرفوا معلومات أكتر عن الندوة، تقدروا تتصلوا برقم: 01001303318 أو 0223926031، أو زيارة صفحة بيت السناري على الفيسبوك من خلال الرابط ده.