الملك لير في العتبة.. يحيى الفخراني في عرض أسطوري مايتفوتش
المسرح القومي الملك لير حجز مسرح أونلاين عروض البيت الفني للمسرح عروض مسرحية القاهرة فن مسرحي مسرح العتبة مسرح كلاسيكي مسرح يحيى الفخراني مسرحية الملك لير ويليام شكسبير يحيى الفخراني
Cairo 360
الصور: جرجس صبحي
لو نفسك تعيش ليلة مسرحية ماتتنسيش، فيها دراما، صراع، وعظمة الأداء.. يبقى ماينفعش تفوت عرض “الملك لير” اللي راجع من تاني على خشبة المسرح القومي بالعتبة، ببطولة النجم الكبير يحيى الفخراني، في واحدة من أعظم كلاسيكيات المسرح العالمي، من تأليف ويليام شكسبير، وإخراج شادي سرور.
المسرحية بتقدم قصة إنسانية عظيمة عن الملك اللي بيقرر يتنازل عن عرشه لبناته، وبيبدأ بعدها يدخل في دوامة من الخيانة، والانكسار، والصراع على السلطة. العرض بيقدم معالجة بصرية ممتعة، ديكورات مبهرة، وموسيقى درامية بتشدك من أول دقيقة.
المسرح القومي مستعد بكل طاقته علشان يقدملك تجربة تستحق، العرض بيبدأ الساعة 9 مساءً، ويفضل تحضر قبلها بساعة علشان تضمن مكانك وتستمتع بالأجواء.
العرض مستمر يوميًا من الثلاثاء لـ الأحد، من 8 لحد 13 يوليو، وبعدها بيكمل كل أسبوع من الخميس لـ الأحد، والأيام التانية (الاتنين والتلات والأربع) بتكون أجازة.
الحجز بيكون أونلاين وبيفتح كل أسبوع، وبيقفل تلقائيًا أول ما الأماكن تخلص، فلو ناوي تروح، احجز بدري.
أسعار التذاكر
60 / 80 / 110 جنيه، والتجربة تستاهل كل قرش!
طرق الحجز
تقدر تحجز أونلاين من خلال تطبيق “البيت الفني للمسرح” على أجهزة الأندرويد (والتطبيق هيكون متاح قريبًا للآيفون).
أو تروح تحجز من شباك التذاكر بالمسرح القومي نفسه (الدفع فيزا فقط)، الشباك شغال يوميًا من 4 العصر.
للاستفسارات
شباك التذاكر: 0225917783
مدير دار العرض: 0225917561
الموقع على الخريطة
المسرح القومي، العتبة – القاهرة.. رابط خرائط جوجل.
وخليك عارف..
عرض “الملك لير” مش بس مسرحية.. ده لقاء حقيقي مع واحد من أعظم الفنانين في الوطن العربي، وسط أجواء ترجعنا لسحر المسرح الكلاسيكي، مع لمسة إخراج معاصرة ومؤثرة.
لو بتحب المسرح بجد.. أو حتى نفسك تجرب حاجة جديدة.. العرض ده هيكون لحظة فارقة في ذاكرتك الفنية.
مقترح
الحياة في كايرو
بدائل الثانوية العامة 2025: 7 مدارس بعد الإعدادية بمستقبل مضمون وفرص شغل حقيقية
الشهادة الإعدادية 2025 بدائل الثانوية العامة +13
الحياة في كايرو
