The Definitive Guide to Living in the Capital , Cairo , Egypt

المسرح متعة مختلفة عن السينما والتليفزيون، القعدة على كرسي من الخشب، ومشاهدة مواهب جميلة بتتحرك أرواحها بشكل حي حواليك، كل ده بيخلي التجربة مختلفة بجد! ومن العروض الجديدة اللي بنرشحها لكم للمشاهدة خصوصًا في الويك إند ده، العرض الجديد اللي بيقدمه مسرح الطليعة بميدان العتبة، وهو “باب عشق”.

في السطور الجاية هنعرفكم على 5 معلومات عن العرض ده.

1 – العرض المسرحي “باب عشق”، هينطلق بداية من النهارده الأربعاء، الموافق 7 يونيو، الساعة 9 مساءً، على قاعة زكي طليمات بمسرح الطليعة بالعتبة.

2 – العرض من إنتاج فرقة مسرح الطليعة برئاسة المخرج عادل حسان، والنص حائز علي جائزة ساويرس الثقافية لعام 2021.

3 – العرض هو ثاني عروض فرقة مسرح الطليعة في 2023، بعد العرض المسرحي المميز “بيت روز”.

4 – “باب عشق” تأليف إبراهيم الحسيني، إخراج حسن الوزير، أشعار درويش الأسيوطي، موسيقي وألحان محمد حسني، ديكور فادي فوكيه، أزياء مها عبد الرحمن، استعراضات محمد بحيري، مكياج وفاء مدبولي، مخرج منفذ محمود الرفاعي.

5 – العرض المسرحي “باب عشق” من بطولة النجوم: “ماهر محمود، هالة ياسر، فكري سليم، أحمد حسن، محمد أمين، محمد صلاح، إسلام بشبيشي، دنيا عوني”، ونجوم مسرح أكتر.

 

علشان تعرفوا تفاصيل أكثر عن العرض ومواعيده، اضغطوا هنا.