The Definitive Guide to Living in the Capital , Cairo , Egypt

مجموعة “Cairo Saturday Walks” بتنظم حاليًا معرض مهم للتصوير الجغرافي للسنة الرابعة، وفيه بيتم عرض “جمال القاهرة” متكامل في كل حاجة،  من خلال صور أخدها مصورين المجموعة، وهيستمر المعرض لحد يوم 22 نوفمبر في جاليري نوت المعادي.

المعرض فكرته الأساسية هي إبراز جمال القاهرة من خلال لقطات للوشوش والأماكن والعمارة والحيوانات والمأكولات وغيرها من التفاصيل، من تصوير 50 مصور، على رأسهم الفنان المهندس كريم الحيوان، مؤسس المجموعة والمعرض، ومعاه شباب مبدعين ومهتمين بالتصوير ومنهم “آية عادل، منه عياد، ريمون خليفة، أحمد الصاوي، تيمور عثمان، محمد عنتر، يارا توبار، سلمى أبو النجا، أكرم رضا، أسماعيل إدريس، إسلام درويش، أمينة قادوس، عمر سامي”.

فكرة Cairo Saturday Walks جت عن طريق المهندس المعماري كريم الحيوان، اللي اتحول لمصور محترف بعد رحلات استكشاف شوارع القاهرة وأحياءها وكان مخصص يوم السبت أسبوعيًا علشان يصور الأماكن، وبعدين انضم ليه مجموعة من أصحابه، ونالت المجموعة شهرة كبيرة على مدار سنوات، وشارك معاهم أكتر من 500 مصور محترف وهاوي.

عنوان جاليري نوت: 19 شارع 12 المعادي.

تليفون: 01028324363.

صفحة الفيسبوك هنا.