The Definitive Guide to Living in the Capital , Cairo , Egypt

أي بلد في الدنيا أكيد ليها تاريخ وحضارة، لكن اللي بيفرق بين بلد والتانية هو عمق الحضارة دي، وامتدادها على مدى التاريخ والعصور، وبلدنا مصر واحدة من البلاد اللي حضارتها يضرب لها التاريخ تعظيم سلام.

وعلشان نحافظ على الحضارات دي، اعتمدنا المتاحف والمزارات التاريخية كوسيلة لحفظها وتوثيقها خلال الأزمنة المختلفة، وكل ما كانت حضارة البلد متنوعة وقديمة، وكل ما كان تاريخها ليه جذور ومتأصل، كل ما زادت أعداد المتاحف والمزارات، وزادت المقتنيات والآثار والحفريات اللي بتحكي عن الحضارة والتاريخ ده.

ويفضل المتحف المصري للي اتبنى سنة 1902 المركز الرئيسي لعرض المقتنايات والآثار، وضم أكتر من 120 ألف قطعة أثرية، ما بين تماثيل ومومياوات وبرديات ومجوهرات بتمثل مختلف العصور في التاريخ المصري، لكن لإننا بنتكلم عن “مصر” يعني أكيد بنتكلم عن كنوز أثرية ما يسعهاش متحف واحد، ولا مكان واحد.

علشان كده جمعنا لكم 5 متاحف، بتحكي عن مختلف العصور والأزمنة اللي مرت على بلدنا.

 

متحف النوبة:

المتحف موجو في مدينة أسوان، وأكيد من اسمه عرفتوا إنه مخصص لعرض التراث الثقافي والتاريخي لحضارة ومنطقة النوبة، وبيضم آثار من مختلف العصور اللي مرت على منطقة النوبة، بما فيها العهد الإسلامي، وآثار تم إنقاذها من الغرق عند تكوين بحيرة ناصر، وآثار من مدينة مروي النوبية المدمرة، ، ده غير إن المتحف كان فاز بجائزة “أغا خان” للعمارة كأجمل مبنى معماري في العالم سنة 2001.

 لو عاوزين تعرفوا معلومات أكتر عن المتحف ومواعيد الزيارة، وأسعار التذاكر، ممكن تدخلوا هنا.

 

متحف الفن الإسلامي:

مبدئيًا كده هو أكبر معرض للفنون والآثار الإسلامية في العالم، والآثار والمعروضات الموجودة فيه بتغطي عصور ومناطق واسعة من العالم العربي والإسلامي، بتبدأ من شبه جزيرة إيبريا لحد الهند وغرب الصين.

المتحف موجود في وسط القاهرة، وبيضم أكثر من 100 ألف قطعة أثرية من الخشب والمعادن والخزف والزجاج والنسيج.

علشان تتواصلوا مع المتحف وتعرفوا تفاصيل أكتر عن العروض والأحداث اللي بيقدمها، ممكن تدخلوا على صفحته الرئيسية على الفيسبوك من هنا.

ولمعلومات أكتر عن المتحف ومواعيد الزيارة وأسعار التذاكر، ادخلوا هنا.

المتحف القبطي:

يضم المتحف القبطي في القاهرة آثارًا وأعمالًا فنية من الحقبة القبطية في التاريخ المصري، والتي بدأت باعتناق المصريين القدماء المسيحية منذ القرن الأول الميلادي.

وتعود كثير من القطع الأثرية بالمتحف القبطي إلى الحقبتين الرومانية والبيزنطية، عندما كانت المسيحية هي الديانة الأكثر انتشارًا في مصر، وتحيط بالمتحف حديقة وست كنائس قبطية.

 الصفحة الرسمية للمتحف القبطي على الفيسبوك من هنا.

وعلشان تعرفوا أكتر عن مواعيد المتحف وأسعار التذاكر هتلاقوها هنا.

 

متحف العلمين العسكري:

متحف العلمين العسكري في مدينة العلمين على البحر المتوسط، وبيحكي حقائق وقصص وأحداث معركة العلمين الكبرى اللي كانت سنة 1942 بين قوات المحور وقوات الحلفاء.

وبما إن المتحف تخصص في النواحي العسكرية، فهو بيعرض قطع عسكرية رئيسية متمثلة في الآليات العسكرية اللي استُخدمت في الفترة دي، زي الدبابات والمدفعية والطائرات، بالإضافة إلى مقبرة الكومنولث اللي بتضم أكثر من 7 آلاف قبر لجنود وضباط الحلفاء.

 الصفحة الرسمية للمتحف على الفيسبوك من هنا.

 

متحف التحنيط:

المتحف موجود في مدينة الأقصر، مساحته صغيرة لكنه بيعرض مقتنيات وآثار ليها تاريخ كبير، وبيعتمد عليها حل لغز كبير أوي لسه محير العالم كله لحد النهارده، وهو لغز “التحنيط”.

المتحف بيضم أدوات ومواد كانت بتُستخدم في عملية التحنيط زمان، ده غير مومياوات محنطة لحيوانات وكاهن كان واضح إنه ليه مكانة أو خبرة في عمليات التحنيط اللي كان بيقوم بيها القدماء المصريين.

ممكن تعرفوا مواعيد المتحف وأسعار التذاكر وكل التفاصيل اللازمة عن المتحف من هنا.