بريشة “هيرمان كورودي”.. شوفوا لوحات نادرة للقاهرة عمرها أكتر من 130 سنة
القاهرة زمان فنون لوحات نادرة للقاهرة هيرمان دافيد سالمون كورودي
Cairo 360
فنانين غربيين كتير وقعوا في غرام القاهرة، وقرروا يرسموا بريشتهم مشاهد بتوثق تفاصيل الحياة فيها، ومن الفنانين دول المستشرق الإيطالي هيرمان دافيد سالمون كورودي، اللي رسم بريشته مجموعة لوحات مهمة للقاهرة في نهايات القرن التاسع عشر.
وعاش “كورودي” في الفترة من 1844 ولحد سنة 1905، واستقر لسنوات طويلة في روما، ودرس في أكاديمية القديس لوقا تحت إشراف والده سالومون كورودي، وبعدها سافر باريس سنة 1872.
وأبدع “كورودي” في رسم لوحات للعائلة المالكة البريطانية، وكان على معرفة بمعظم الملوك الأوروبيين في الوقت ده، كمان عقد صداقة مع الملكة فيكتوريا.
وخلال حياته سافر “كورودي” لبعض الدول العربية، ومنها مصر وسوريا، لكنه وقع في غرام مدينة القاهرة، ووثق بريشته لوحات كتير بتظهر تفاصل الحياة فيها.
وكتير من أعمال “كورودي” موجودة في متحف Frye Art في سياتل، واشنطن، ومتحف Dahesh للفنون في نيويورك، ومتحف روما.
وتوفى هيرمان دافيد سالمون كورودي في روما يوم 30 يناير سنة 1905.
شوفوا صور نادرة رسمها هيرمان دافيد سالمون كورودي للقاهرة:
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
