The Definitive Guide to Living in the Capital , Cairo , Egypt

الصور: الصفحة الرسمية لمكتبة الإسكندرية

لو بتدور على مكان هادي تقرأ فيه وسط الهوا والشمس والمنظر الحلو، تعالى شوف الجمال بعينك في منطقة القراءة المفتوحة اللي رجعت تشتغل من جديد في مكتبة الإسكندرية!

المكتبة أعلنت رسميًا عن إعادة فتح المنطقة دي من يوم الأحد 4 مايو 2025، ودي فرصة حقيقية لكل محبي القراءة والخروجات الثقافية إنهم يستمتعوا بأجواء ساحرة وسط واحدة من أهم معالم مصر الثقافية.

المواعيد الرسمية:
من الأحد للخميس: من 10 الصبح لحد 6 مساءً.

السبت: من 10 الصبح لحد 2 ظهرًا (والجمعة أجازة).

ليه المكان ده مميز؟
المنطقة مش بس شوية كراسي وترابيزات، لأ.. ده مكان هيريحك نفسيًا، فيه طبيعة، بحر، ناس بتحب الثقافة، وكل ده جنب صرح ضخم هو مكتبة الإسكندرية نفسها.

هتقعد وسط الهوا النضيف، تقرا أو تكتب أو حتى تسيب الموبايل وتفكر شوية.. وكل ده وأنت محاط بجمال معماري وتاريخي مش هتلاقيه في أي مكان تاني.

مكتبة الإسكندرية.. حكاية حلم اتحقق
مكتبة الإسكندرية الجديدة اتفتحت سنة 2002، بدعم من منظمة اليونسكو، بعد حلم استمر سنين طويلة علشان نرجّع مجد مكتبة الإسكندرية القديمة. الصرح ده فيه أكتر من 8 مليون كتاب، غير: 6 مكتبات متخصصة، 3 متاحف، 7 مراكز بحثية، قاعات معارض، قبة سماوية، مركز مؤتمرات، وأنشطة ومساحات للأطفال والكبار.

يعني مش بس مكان للكتب، دي مساحة بتجمع بين العلم والفن والإنسانية.

الصور اللي مع المقال هتقولك لوحدها قد إيه المكان ده مبهج ومُلهم، وبيخلي القراءة تجربة ليها طعم مختلف.

المكان: مكتبة الإسكندرية – ساحة البلازا
الدخول: مجاني لمنطقة القراءة المفتوحة
المواعيد: من الأحد للخميس (10 ص – 6 م)، السبت (10 ص – 2 ظ).