The Definitive Guide to Living in the Capital , Cairo , Egypt

من ساعات، أعلنت إدارة مهرجان القاهرة السينمائي الدولي، عن منح الفنان كريم عبد العزيز، جائزة “فاتن حمامة” للتميز، واللي هيستلمها في الدورة الـ 43 من المهرجان، اللي هتقام في الفترة من 26 نوفمبر إلى 5 ديسمبر الجاي، وده “تقديرًا لمسيرته الفنية الحافلة بأعمال سينمائية بارزة” بحسب إدارة المهرجان.

وكريم عبد العزيز مش هو أول فنان يحصل على التكريم المهم ده، سبقه كتير من الفنانين، وفي الموضوع ده هنعرفكم على 5 من أبرز النجوم اللي حصلوا في الفترة اللي فاتت على جائزة “فاتن حمامة” للتميز من مهرجان القاهرة السينمائي الدولي.

 

سمير غانم

في الدورة الـ 39 من المهرجان، حصل الفنان الراحل سمير غانم على جائزة “فاتن حمامة”، وسلمه الجائزة دنيا وإيمي سمير غانم.

 

هند صبري

في نفس الدورة حصلت الفنانة هند صبري هي كمان على جائزة “فاتن حمامة” للتميز.

 

حسن حسني

أما في الدورة الـ 40 من المهرجان، فحصل على نفس الجائزة الفنان الراحل حسن حسني، ويومها قال “حسني” جملته الخالدة: “أنا سعيد جدًا جدًا أنهم لحقوا يكرموني وأنا لسة عايش”.

 

منة شلبي

وفي الدورة الـ 41 من المهرجان حصلت الفنانة منة شلبي على جائزة فاتن حمامة للتميز.

 

منى زكي

كمان، منحت إدارة مهرجان القاهرة السينمائي الدولي، الفنانة منى زكي، جائزة “فاتن حمامة” للتميز، في الدورة 42.

 

وأخيرًا..

أعلنت إدارة مهرجان القاهرة السينمائي الدولي إنها هتمنح الفنان كريم عبد العزيز جائزة “فاتن حمامة” للتميز في الدورة الجديدة للمهرجان واللي هتحمل رقم 43.

مبروك لكل فنان مصري وعربي حصل على جائزة مهمة بتحمل اسم سيدة الشاشة العربية.