The Definitive Guide to Living in the Capital , Cairo , Egypt

في خطوة الهدف منها ربط المتاحف المصرية بالمناسبات الحلوة في حياتنا، قررت مجموعة من أهم متاحف بلدنا، الاحتفال بعيد الحب، واللي بيوافق 14 فبراير من كل سنة، وده من خلال تسليط الضوء على عدد من القطع الأثرية اللي بتعبر عن مفهوم الحب في تاريخ مصر، ومنها قطع بتُعرض لأول مرة.

 

متحف مطار القاهرة الدولي 3:

بيعرض المتحف الفترة دي مرآة مستديرة من البرونز، والقطعة دي كانت من مخصصات آلهة الحب والجمال زي أفروديت وحتحور.

 

متحف جاير آندرسون:

بيعرض نافورة مصنوعة من الرخام على شكل رأس بجعة، وهي رمز من رموز الحب في العصور القديمة.

متحف الإسكندرية القومي:

المتحف بيعرض لزواره دعوة زفاف الملك فاروق والملكة فريدة، واللي كان بيتم إهدائها لكبار الشخصيات لدعوتهم لحضور الزفاف الملكي.

وبتُعرض القطعة دي لأول مرة، وهي عبارة عن دبوس مطلي بالذهب وبتتوسطه صورة للملك فاروق الأول والملكة فريدة بيعلوها التاج الملكي وبتحمل تاريخ 20 يناير 1938.

 

متحف شرم الشيخ:

المتحف بيعرض صندوق الدهان العطري من عصر الأسرة ال 19 من الدولة الحديثة.

 

متحف الغردقة:

بيعرض الفترة دي، تمثال مزدوج من الحجر الجيري، للمعبود أوزير وزوجته المعبودة إيزيس وهي بتحتضن زوجها وهو جالس على كرسي العرش، وبيرجع التمثال ده لعصر الانتقال الثالث.

وبتعتبر المعبودة إيزيس أيقونة الحب والتضحية في الحضارة المصرية القديمة.

 

متحف سوهاج القومي:

بيعرض المتحف تمثال من الحجر الرملي من عصر الدولة الحديثة، لرجل وزوجتة جالسين، والسيدة بتضع يدها خلف ظهر زوجها، وده بيشير لمدى الحب بين الزوجة لزوجها.