The Definitive Guide to Living in the Capital , Cairo , Egypt

الفترة دي ارتفاع الأسعار بقى مشكلة بتمر بها أغلب دول العالم. وعلشان إحنا عارفين كويس إن الناس اللي بتحب القراءة بتواجه مشكلة في ارتفاع أسعار الكتب، هنقول لكم في السطور الجاية على 4 أماكن في العاصمة المصرية تقدروا تشتروا منها كتب بأسعار رخيصة.

 

سور الأزبكية

منطقة سور الأزبكية في العتبة موجود فيها مجموعة متنوعة من الكتب وبتختلف أنواعها حسب الأذواق. فيه هناك كتب مستعملة في كل المجالات، وفيه كمان كتب جديدة، ده غير مجلات الموضة والديكور والمجلات الشبابية. وأنواع تانية كتير وكلها بأقل الأسعار.

 

سور وممر السيدة زينب

قريب من مترو السيدة زينب. وفيه كل أنواع الكتب والروايات بأسعار رمزية.

 

رصيف جمال عبد الناصر

فوق محطة مترو جمال عبد الناصر، وبجوار دار القضاء العالي، وهناك هتلاقي عدد كبير من البياعين على الرصيف بيقدموا كتب مستعملة بأسعار رخيصة جدًا، ومواعيدهم بتكون من الصبح ولحد بعد الضهر.

الهيئة المصرية العامة للكتاب

لها فروع كتير جوة وبرة القاهرة. وبتتميز بإن الكتب فيها جديدة وحالتها كويسة. على عكس سور الأزبكية اللي بتكون فيه أغلب الكتب قديمة. وبتتنوع ما بين الروايات والنصوص الأدبية والشعر والترجمات وكتب الأطفال.

عندهم أكثر من فرع في القاهرة، ودي عناوين وأرقام تليفونات أهم وأشهر فروعهم في القاهرة:

 

المعرض الدائم:

العنوان: مبنى الهيئة – كورنيش النيل – رملة بولاق.

رقم الهاتف: 25775228

مكتبة شريف:

العنوان: 36 شارع شريف – تقاطع ثروت وشريف.

رقم الهاتف: 23939612

مكتبة 26 يوليو:

19 شارع 26 يوليو – أمام الأمريكيين.

رقم الهاتف: 25788431

مكتبة المبتديان:

العنوان: 13 شارع محمد عز العرب – المبتديان.

مكتبة الجيزة:

العنوان: 1 شارع مراد – ميدان الجيزة.

رقم الهاتف: 35721311

مكتبة جامعة القاهرة:

العنوان: داخل الحرم الجامعي بجوار كلية الإعلام.