دليلك الكامل لأجمد حفلات السنة الجديدة في القاهرة
أوبرا مست الجامعة الأمريكية المنارة تامر حسني رامي صبري شيرين عبدالوهاب علي الحجار كايرو جاز محمد منير مدحت صالح هشام عباس وائل جسار
Omar Abd-elmaqsoud
خلاص كلها أيام وتودعنا 2019 بحلوها ومرها، وتهل علينا 2020 بأفرحها وسعدتها الدايمة علينا كلنا يا رب، وعلشان نبتديها صح، لازم يبقى معانا دليل الفرفشة، ومنيو الطرقعة، وده مش هتلاقوه غير على كايرو 360، دليلكم للحياة في العاصمة.
مش هنطول عليكم في الكلام، وهنقولكم على أول وصفة في دليل الفرفشة، وهي حفلات السنة الجديدة، مع أشهر وأكبر الفنانين في الوطن العربي، تعالوا نشوف مع بعض :
شيرين عبد الوهاب في المنارة- 20 ديسمبر
الفنانة شيرين عبد الوهاب هتحتفل برأس السنة مع جمهورها في مركز المنارة للمؤتمرات، في التجمع الخامس. التفاصيل من هنا.
مدحت صالح في أوبرا مست – 24 ديسمبر
السوبر ستار مدحت صالح هيقدم حفلة الكريسماس على مسرح أوبرا جامعة مصر للعلوم والتكنولوجيا “مست”. التفاصيل هتلاقوها هنا.
تامر حسني ورامي جمال في المنارة – 27 ديسمبر
مركز المنارة في التجمع الخامس هيستضيف حفلة هتجمع بين النجم تامر حسني والنجم رامي جمال لأول مرة مع بعض في حفلة واحدة. اعرفوا تفاصيل أكتر من هنا.
علي الحجار في الجامعة الأمريكية – 27 ديسمبر
السنة دي النجم علي الحجار هيحيي حفلة الكريسماس، على مسرح قاعة “إيوارت” في الجامعة الأمريكية. التفاصيل من هنا.
هشام عباس في كايرو جاز 610 – 31 ديسمبر
الفنان هشام عباس هيحيي حفلة رأس السنة، في كايرو جاز كلوب 610. التفاصيل من هنا.
وائل جسار ورامي صبري في سميراميس – 31 ديسمبر
سهرة الكريسماس في فندق سميراميس، هيقدم النجمين وائل جسار ورامي صبري. وهيكون معاهم الفنان محمود الليثي. التفاصيل من هنا.
محمد منير – 31 ديسمبر
الكينج محمد منير هيقدم حفلة جديدة في الكريسماس، لكن لسه ماتمش الإعلان عن تفاصيلها.
وهابي نيو يير من فريق “كايرو 360”.
مقترح
معالم وسياحة
90 دقيقة من القاهرة.. أجمل 7 أماكن في الفيوم هيغيروا موودك
أجمل أماكن الفيوم الفيوم +4
تسوق
