The Definitive Guide to Living in the Capital , Cairo , Egypt

فن وثقافة

دليلك الكامل لمهرجان القاهرة السينمائي لدول V4 للأطفال والشباب 2020

افلام للأطفال والشباب سينما الهناجر مهرجان أفلام فيشجراد مهرجان القاهرة السينمائي لدول V4 مهرجانات في القاهرة
دليلك الكامل لمهرجان القاهرة السينمائي لدول V4 للأطفال والشباب 2020
بواسطة
Mohamed Talaat

القاهرة مش بس عاصمة مصر، هي كمان عاصمة أهم المهرجانات العالمية، خصوصًا في الفترة دي، اللي فيها العالم غارق في أزمات، لكنها قادرة تكمل وتنشر فن وإبداع وبهجة، وأحدث مهرجانات العاصمة، هو مهرجان مهرجان أفلام “فيشجراد” اللي انطلق يوم الاثنين 2 نوفمبر 2020 في العاصمة المصرية بالتعاون مع سفارات دول الفيشجراد “بولندا ـ التشيك ـ المجر ـ سلوفاكيا”.

والمهرجان بيحمل عنوان “مهرجان القاهرة السينمائي لدول V4 للأطفال والشباب 2020″، والأفلام هتتعرض في سينما الهناجر بدار الأوبرا المصرية، التابعة لقطاع صندوق التنمية الثقافية، الساعة السابعة مساءً.

ويوم الاثنين 2 نوفمبر، تم عرض الفيلم البولندي “مشاكل”، اللي بيحكي عن بنت اسمها “يولكا”، عمرها 12 سنة، عايشة في مدرسة داخلية وماعندهاش أصحاب.

أما يوم الأربعاء 4 نوفمبر، فهنشوف الفيلم المجري “الثعلب الصغير فوك”، وهو فيلم رسوم متحركة مجري، مقتبس من رواية “فوك” لكاتبها أشتوان فاكاتا، وبيدور حول الثعلب الصغيرفوك اللي بيعيش بسعادة وسط أشقائه في منزل والدهم، وبعدها بيقرر يخرج للغابة لوحده، وبعد رجوعه للبيت بيكتشف اختفاء عائلته بالكامل.

وفي يوم الإثنين 9 نوفمبر هنشوف الفيلم التشيكي “آكلوا الجوارب”، إخراج “جالينا ميكلينوفا” وهو من إنتاج 2016، وهو فيلم رسوم متحركة مقتبس عن رواية بنفس الإسم لـبافل شروت و جالينا ميكلينوفا، وبيدور حول آكلي الجوارب الفردية وهم مخلوقات صغيرة بتعيش مع البشر, وهم المسئولين عن فقدان البشر دائمًا لواحد من كل زوج من الجوارب وبيتصدي لهم أحد العلماء وبتتوالي الأحداث.

والختام هيكون يوم الأربعاء 11 نوفمبر بالفيلم السلوفاكي (The cellar)، اللي بيدور حول “ميلان” و”تانا”، اللي بيمر زواجهما بأزمة، وبتؤثر الأزمة دي في نفسية بنتهم الصغيرة.

الأفلام كلها هتعرض في في سينما الهناجر بدار الأوبرا المصرية، الساعة السابعة مساءً، وبنفكركم بضرورة ارتداء الكمامة علشان تحموا نفسكم من فيروس “كورونا” المستجد.

مقترح