The Definitive Guide to Living in the Capital , Cairo , Egypt

المسرح فن عظيم، وبدون شك هو أبو الفنون في العالم، وعلشان كده القاهرة فيها مسارح بتقدم أجمل العروض الفنية لأهل القاهرة وزوارها، مش بس كده، ده العاصمة المصرية بتحتضن كل سنة مهرجان متخصص في فن المسرح، وهو مهرجان القاهرة الدولي للمسرح التجريبي.

وفي 2022 هنشوف عروض مميزة في الدورة الـ29 من المهرجان، وهي برئاسة الدكتور جمال ياقوت.

ومؤخرًا انتهت اللجنة المسؤولة عن الاختيارات من مشاهدة العروض اللي سبق وتقدمت للمشاركة في المسابقة الرسمية للمهرجان السنة دي، وده بعد إغلاق باب التقديم في 14 أبريل 2022.

وتقدم للمشاركة في المهرجان السنة دي 55 عرض أجنبي، و90 عرض عربي، و58 عرض مصري، بإجمالي 203 عروض مسرحية.

وبالنسبة للعروض الأجنبية، اختارت لجنة المشاهدة العروض التالية:

العرض المسرحي WRONGLAND من اليونان.

العرض المسرحي The Last 15 Seconds من كندا.

العرض المسرحي White Light من سويسرا.

العرض المسرحي The Women Soccer Players من المكسيك.

العرض المسرحي Robot من إسبانيا/ بولندا.

العرض المسرحي Dust Circus من البرازيل.

العرض المسرحي  Symbiosiمن بولندا.

العرض المسرحي  Hydráosإخراج  إديتا براون، من النمسا.

العرض المسرحي ILLUSION من أخراج فابيو أومودي، من إيطاليا.