“رقصة القرن”.. عرض حركي مختلف في جزويت القاهرة مساء الجمعة! (صور)
أحمد عادل أداء بصري ارتجال حركي جزويت القاهرة رقصة القرن عرض مسرحي حركي عروض فنية في القاهرة فرقة المربع فعاليات الجمعة في القاهرة مسرح ستوديو ناصيبيان مسرح معاصر ورشة تعبير جسدي
Mohamed Talaat
الصور: صفحة النهضة جزويت القاهرة على فيسبوك
لو بتدور على تجربة مسرحية غير تقليدية، مليانة طاقة وتعبير بالجسد بدل الكلام، يبقى ماتضيعش فرصة حضور عرض “رقصة القرن” اللي هيتعرض مساء يوم الجمعة ٨ أغسطس 2025 في مسرح ستوديو ناصيبيان بجزويت القاهرة الساعة 8:30 مساءً.
العرض ده مش زي أي مسرحية ممكن تكون شوفتها قبل كده، لأنه بيعتمد على الارتجال الحركي والتكوين البصري* بدل النصوص والحوار التقليدي. هو نتاج ورشة للتعبير الحركي اتعملت في جزويت القاهرة، وشارك فيها مجموعة شباب استخدموا لغة الجسد علشان يعبروا عن قضايا حياتية معاصرة بتهمنا كلنا.
تفاصيل العرض
“رقصة القرن” بيحكي من غير كلام عن العزلة الرقمية، والضغط النفسي بسبب الهوية، وتأثير السوشيال ميديا على حياتنا اليومية. كل ده من خلال حركات الجسد والمشاهد الرمزية، اللي بتلمس مشاعرنا وبتخلينا نفكر من غير ما حد يقولنا نفكر في إيه!
العرض من إنتاج جمعية النهضة العلمية والثقافية – جزويت القاهرة، وبالتعاون مع فرقة المربع للفنون الأدائية، ومن إخراج وتصميم الفنان أحمد عادل، اللي اشتغل مع المشاركين على خلق عرض بصري حيوي بيوصل لكل الناس، مهما كانت خلفياتهم أو خبرتهم بالمسرح.
ليه لازم تحضره؟
الجميل في العرض إنه مفتوح للتأويل، وكل واحد من الجمهور ممكن يطلع منه بحاجة مختلفة. مافيش قصة واحدة، ومفيش نهاية واضحة، لكن في تجربة حسية بتخليك تسأل نفسك أسئلة حقيقية عن حياتك، علاقاتك، وهويتك.
لو بتحب الفن الحي، والمسرح اللي بيكسر القواعد، وبيوصلك بمشاعرك من غير شرح، يبقى احجز مكانك من دلوقتي في عرض سهرة الجمعة، لأن ليلة الخميس اتلغت، والعدد محدود.
عنوان المسرح:
عنوان المسرح: 15 شارع المهراني، الفجالة، رمسيس، خلف المستشفى القبطي بشارع رمسيس وقبل غمرة مباشرة.
للحجز: راسلهم على صفحتهم الرسمية.
مقترح
معالم وسياحة
افتتاح المتحف المصري الكبير 1 نوفمبر 2025.. كنوز توت عنخ آمون ومركب خوفو في انتظارك!
السياحة الثقافية في مصر المتحف الجديد في الجيزة +8
فن وثقافة
