The Definitive Guide to Living in the Capital , Cairo , Egypt

مفاجأة حلوة في انتظار عشاق الكتب المصريين. سفينة “لوجوس هوب” اللي بتعد أضخم معرض عائم للكتاب في العالم، هترسو في ميناء بورسعيد في الفترة من يوم 4 يناير وحتى 23 يناير 2023.

كايرو 360 هتعرفكم أكتر على سفينة “لوجوس هوب”.

بعد أكتر من 12 سنة من زيارتها لمصر، بتعود السفينة “لوجوس هوب”، اللي بتعد أضخم معرض عائم للكتاب في العالم، إلى مصر، وبالتحديد إللى ميناء بورسعيد. فلو كنت في بورسعيد في الفترة من 4 ولحد 23 يناير 2023، اوعى يفوتك زيارة المعرض العائم اللي بيضم مجموعة كبيرة من الكتب بتشمل أكثر من 5000 عنوان، بتتنوع موضوعاتها بين العلوم، والرياضة، فن الطبخ والفنون، الطب والمعاجم واللغات وأكتر.

لكن الكتب مش هي الحاجة الوحيدة اللي بتقدمها السفينة “لوجوس هوب”. بالإضافة إلى الكتب فيه عروض تفاعلية تعريفية بتقدمها السفينة “المكتبة”.

و السفينة “لوجوس هوب” بتعد واحدة من أسطول سفن بتديره منظمة “جي بي أيه” الخيرية المسجلة في ألمانيا، واللي استضافت على متن سفنها من سنة 1970 أكثر من 42 مليون زائر في حوالي 150 دولة وإقليم حول العالم.