The Definitive Guide to Living in the Capital , Cairo , Egypt

من بين كتير من التحف الفنية اللي بيعرضها متحف المجوهرات الملكية بالإسكندرية، فيه قطعة مميزة جدًا تستحق إنكم تتعرفوا عليها وتشوفوها عن قرب، عبارة عن علبة ذهبية عليها صورة الخديو إسماعيل.

وبيقول المتحف إن الأسباب اللي خلت القطعة دي مميزة، هي دقة وجمال تفاصيل صناعتها وأنها بتحمل صورة الخديو إسماعيل.

 

في السطور الجاية هنعرفكم أكتر على القطعة الفنية المهمة دي من خلال 3 معلومات نشرتهم الصفحة الرسمية للمتحف على فيسبوك مؤخرًا:

1 – بيحتوي سطح العلبة الأثرية الصغيرة اللي ليها غطاء من الذهب على مجموعة من النقوش البارزة بطريقة “الريبوسية”، وهو فن النحت والتشكيل على المعادن بطريقة الدق ونقش أشكال زهور وأوراق شجر.

2 – بيتوسط سطح الغطاء حلية بيضاوية الشكل من الذهب الأبيض المنقوش بداخله إطار بيضاوي من الفضة مرصع بأحجار من الماس الصغير، وهتلاقوا داخل الإطار كمان صورة بالمينا الملونة للخديو إسماعيل بملابس التشريفة.

3 – فيه حوالين الإطار من الخارج ست بيوت فصوص من الذهب، مركب في كل منها حجر من الماس بواقع ثلاثة في كل جانب، أما جوانب العلبة وقاعدتها فمنقوشة بطريقة الحفر بأشكال أوراق شجر ورسوم تانية جمالية.

 

عنوان المتحف: 27 أحمد يحيى، سان ستفانو، قسم أول الرمل، الإسكندرية.

تليفون: 035828348