The Definitive Guide to Living in the Capital , Cairo , Egypt

في مفاجأة جميلة لعشاق المسرح، أعلن البيت الفني للمسرح عن مشاركته في مبادرة وزارة الثقافة اللي بتحمل عنوان “خليك في البيت.. الثقافة بين إيديك” بـ ٣٠ عرض مسرحي هيكون فيهم مجموعة من روائع المسرح المصري الحديث.

العروض هيتم تقديمها مجانًا على قناة وزارة الثقافة المصرية على موقع اليوتيوب وهتكون بالتعاون مع المركز القومي للمسرح، وهتضم عروض  لنجوم كبار زي مسرحية الملك هو الملك، أهلًا يا بكوات، الإسكافي ملكًا، أولاد الغضب والحب، رجل القلعة وغيرهم.

 هتشمل العروض مسرحيات للفنانيين الشباب من أبناء البيت الفني للمسرح، ومنها شيزلونج، والسيرة الهلامية، ده غير عروض من انتاج البيت الفني للمسرح ومنها الساعة الأخيرة، أنا كارمن، كوميديا البؤساء، شباك مكسور، الثامنة مساء، ترنيمة الفلاح الفصيح.

 الأطفال كمان هيكون ليهم نصيب من العروض، واللي هيتقدم فيها عرائس كمان زي عرض عبور وانتصار، القطط، محطة مصر، ده غير كمان عرض “أوبرا بنت عربي” واللي بنشوف فيه مواهب من ذوي الهمم.

قناة وزارة الثقافة على اليوتيوب هتلاقوها هنا.

وممكن تعرفوا العروض ومواعيدها من الصفحة الرسمية لوزارة الثقافة على االفيسبوك من هنا.