The Definitive Guide to Living in the Capital , Cairo , Egypt

الصيف بدأ يسخن ويحلو، ومع حرارة الجو وحلاوته، المسارح والحفلات والأجواء كمان بتولع وبتزيد بهجة، علشان كده جبنالكم في “كايرو 360” أهم الحفلات اللي ممكنتحضروها خلال الفترة اللي جاية، يلا اجهزوا:

1) الهضبة في العلمين الجديدة:

يوم 16 أغسطس هيكون معادنا مع الحفلة الجديدة للهضبة “عمرو دياب” واللي اتعودنا عليها كل صيف، لكن الجديد في الحفلة السنة دي إنها هتكون على الميوزك أرينا في فندق “الماسة” في مدينة العلمين الجديدة.

أسعار التذاكر: 

سيلفر: 500 جنيه.

جولد: 800 جنيه. 

VIP ستاندج: 1000 جنيه.

لاونج: 2000 جنيه.

التفاصيل والحجز من هنا.

2) مدحت صالح في مركز الفنون في مكتبة الإسكندرية:

الفنان الكبير “مدحت صالح هيقدم حفلة جديدة يوم 17 أغسطس على المسرح المكشوف في مركز الفنون التابع لمكتبة الإسكندرية، والحفلة دي هتكون ضمن فعاليات مهرجان الصيف الدولي في نسخته الـ 17، واللي بتنظمه مكتبة الإسكندرية.

أسعار التذاكر: 80، 120، 180 جنيه.

التفاصيل والحجز من هنا.

3) خالد سليم على المسرح المكشوف في مركز الفنون في الإسكندرية:

يوم الإتنين 19 أغسطس، هنكون على معاد مع حفلة جديدة للفنان الكبير “خالد سليم” هيقدمها لجمهوره في الإسكندرية على المسرح المكشوف في مركز الفنون التابع لمكتبة الإسكندرية. الحفلة هتكون ضمن فعاليات مهرجان الصيف الدولي في دورته الـ17 .

أسعار التذاكر: 80 و150 و200 جنيه.

الحجز والتفاصيل من هنا.

4) حفلة الأسطورة “محمد رمضان” في بورتو مارينا الساحل الشمالي:

تحت شعار “أقوى حفلة في الساحل” هيقابل الفنان “محمد رمضان” جمهوره في حفلة جديدة في بورتو مارينا يوم الجمعة 23 أغسطس. أسعار التذاكر:

في. آي.بي لاونج : 1000 جنيه.

في.آي.بي: 750 جنيه.

الذهبية: 500 جنيه.

الفضية: 200 جنيه.

التفاصيل والحجز من هنا.

5) السوبر ستار “تامر حسني” في فندق الماسة في العلمين الجديدة:

يوم 30 أغسطس مدينة العلمين الجديدة هتستقبل السوبر ستار “تامر حسني” في حفلته اللي هتكون في الميوزك أرينا التابعة لفندق الماسة.

أسعار التذاكر: 

العادية: 300 جنيه.

الذهبية: 500 جنيه.

في.أي.بي: 1000 جنيه.

التفاصيل والحجز من هنا.

6) الفنان “هشام عباس” في مكتبة الإسكندرية:

هيحي الفنان “هشام عباس” حفلة ختام مهرجان الصيف الدولي الـ17 في مكتبة الإسكندرية يوم الجمعة 31 أغسطس على المسرح المكشوف الساعة 8:30 مساءًا.

التفاصيل والحجز من هنا.