The Definitive Guide to Living in the Capital , Cairo , Egypt

بسنت محمد

عشاق الطرب الأصيل والسميعة، استعدوا لسلسلة حفلات جاية لكم في الطريق، ضمن فعاليات مهرجان القلعة الدولي للموسيقى والغناء في دورته الـ31. حفلات المهرجان السنة دي هتناسب كل الأذواق والأعمار.

تعالوا نعرف تفاصيل أكثر عن المهرجان:

1 – المهرجان هيقام في قلعة صلاح الدين، زي كل سنة، لكن مع شوية تجديدات هتاخدكم لعالم رومانسي ساحر.

2 – أول حفلات المهرجان هتنطلق يوم الجمعة 25 أغسطس، الساعة 8:00 مساءً، وهتستمر الحفلات على مدار 14 يوم متواصلين لحد الخميس 7 سبتمبر.

3 – المهرجان هيضم حوالي 45 حفلة، بمعدل حفلتين متتاليتين يوميًا.

4 – الحفلات متنوعة سواء كانت في نجومها أو مزيكتها، بتضم: “نسمة محجوب، فايا يونان، أوركسترا القاهرة السيمفوني، فريق وسط البلد،، هاني شاكر، سيمون، هشام عباس،  مصطفى حجاج، مصطفي شوقى، غالية بن على، على الحجار، عزيز مرقة، سعيد الأرتيست، هشام خرما، الشيخ ياسين التهامي، نسمة عبدالعزيز، مدحت صالح، الموسيقار عمر خيرت”.

5 – أسعار تذاكر مهرجان القلعة رمزية، بتبتدي من 50 جنيه، مع زيادة متوقعة بسيطة، أما الحجز وشراء التذاكر فهيكون من على شباك تذاكر القلعة.

بنتمنى لكم سهرات فنية سعيدة.