“فوزي”.. معسكر فني للأطفال مستوحى من زمن الطرب الجميل
أنشطة صيفية دار الأوبرا فن الزمن الجميل فن للأطفال كايرو 360 محمد فوزي معسكر أطفال معسكر فوزي معسكرات صيفية ورش للأطفال
Cairo 360
الصور: صفحة بساط على فيسبوك
في زمن السرعة والسوشيال ميديا، قليل لما نلاقي مساحة للأطفال يعيشوا تجربة غنية بالفن والخيال والضحك، وكل ده في جو دافي مستوحى من زمن الفن الجميل.
من 10 لـ 14 أغسطس، فيه مكان في القاهرة اسمه “بساط” بيقدم ورش للكبار والصغار، المكان ده أعلن مؤخرًا عن معسكر للأطفال اسمه “فوزي” في نسخته التانية، واللي مستوحى من روح وشخصية الفنان العظيم محمد فوزي.. اللي كان صوته مليان بهجة، وموسيقاه فيها تجريب وجرأة، وأفكاره كانت دائمًا سابقة عصره.
المعسكر ده مش بس فسحة.. دي “تجربة كاملة” بتخلي الطفل يعيش ويكتشف ويتعلم من غير ما يحس إنه بيتعلم، من خلال ورش فنية، أنشطة علمية، زيارات، مسرح، تمثيل، وأغاني.
كل يوم ليه طابع مختلف:
حكي وفن عن محمد فوزي.
تنمية مهارات وأحلام كبيرة.
جولة في قلب الفن بدار الأوبرا.
علوم واستكشاف مع “يالا ساينس”.
ورش تمثيل وكتابة وطبخ من وحي الأطفال.
السن: من 7 لـ 12 سنة.
قيمة الاشتراك: 1200 جنيه (شامل كل حاجة).
لو بتدور على معسكر مختلف، إبداعي، بيغذي الخيال، ويفتح باب الفن والمعرفة لطفلك.. يبقى “فوزي” هو الاختيار الصح.
اعرفوا أكثر عن المعسكر من هنا. وتقدروا تتصلوا بيهم لتفاصيل أكثر على الرقم ده: 01017991471.
مقترح
معالم وسياحة
في قلب شارع المعز.. اكتشف أكبر صهريج مياه أثري تحت الأرض في مسجد السلحدار
آثار القاهرة الإسلامية المساجد العثمانية في مصر +7
الحياة في كايرو
