The Definitive Guide to Living in the Capital , Cairo , Egypt

الصورة الرئيسية: Roland Unger

بمناسبة اليوم العالمي للمتاحف واللي بيوافق يوم 18 مايو من كل عام، العالم كله بيشارك فيه بالتنسيق مع المجلس الدُولي للمتاحف، وكل سنة بيسلطوا الضوء على قضية متواصلة بتواجه المتاحف على مستوى العالم، والسنة دي وزارة الثقافة المصرية أعلنت أنها هتشارك في المناسبة دي من خلال فتح أبواب الدخول للمتاحف التابعة لقطاع الفنون التشكيلية مجانًا في الفترة من يوم 17 حتى 19 مايو من 10 صباحًا وحتى الساعة 5 عصرًا.

تعالوا نتعرف على مجموعة من أجمل المتاحف الفنية والثقافية في القاهرة التابعة لوزارة الثقافة وقطاع الفنون، واللي هتقدروا تزوروها مجانًا الويك إند ده بمناسبة احتفال مصر باليوم العالمي للمتاحف.

 

من أهم المتاحف اللي تستحق الزيارة في الويك إند ده، واللي هتقدروا تدخلوها مجانًا، متحف نجيب محفوظ في الأزهر، وأم كلثوم بالمنيل، و متحف أحمد شوقي بشارع النيل، ومتحف الأمير وحيد الدين سليم بالمطرية، ومتحف محمد ناجي بالجيزة، ومتحف زكريا الخناني وعايدة عبدالكريم بسقارة، ومتحف محمد محمود خليل وحرمه  بالدقي، ومتحف ومركز راتب صديق الثقافي بالمنيب، بالإضافة لمتحف طه حسين في العمرانية.

 

والمتاحف اللي اختارتها  وزارة الثقافة في القاهرة هيكون فيها فعليات وأنشطة مميزة، وده لان الوزارة عملت برنامج خاص بمناسبة الاحتفال باليوم العالمي للمتاحف، وهيتاح حضور الندوات وورش العمل والفعاليات الفنية والجولات الإرشادية.