كتابك المفضل بأرخص سعر.. استعدوا لمهرجان سور الأزبكية الخامس للكتاب
سور الأزبكية عنوان سور الأزبكية كتب بسعر رخيص كتب مخفضة مهرجان سور الأزبكية الخامس للكتاب مهرجانات للكتب في القاهرة موعد مهرجان سور الأزبكية للكتاب
Mohamed Talaat
سور الأزبكية واحد من أهم أسواق الكتب المستعملة في القاهرة وأقدمها على الإطلاق. في سور الأزبكية هتلاقي آلاف الكتب بأسعار رخيصة. تعالوا نتعرف أكتر على تفاصيل مهرجان سور الأزبكية الخامس للكتاب.
لو كنت من عشاق الكتب، فلازم تزور سور الأزبكية في الفترة من 10 أغسطس ولحد يوم 25 أغسطس الجاري، لأن السور هيعمل في الفترة دي مهرجان مخفض للكتب هتتوفر فيه أهم الإصدارات المصرية والعربية والعالمية بأسعار رخيصة جدًا.
والهدف من تنظيم مهرجان سور الأزبكية الخامس للكتاب هو خدمة القارئ اللي بيشتكي من غلاء أسعار الكتب في الفترة الأخيرة، وفي نفس الوقت إن جمهور جديد يتعرف على مكتبات السور، ويتعرف على تجار السور اللي هدفهم نشر المعرفة بسعر معقول في المجتمع المصري.
في المهرجان هتلاقوا أفضل الكتب في جميع التخصصات، وجميع المجالات، وسط كم هائل من الكتب القديمة المستعملة، وبيوعدكم تجار السور بتخفيضات حقيقية مش هتلاقوها غير داخل سور الأزبكية.
وبيعتبر سور الأزبكية من معالم مصر التاريخية، وهو أقدم مكان لبيع وشراء الكتب القديمة المستعملة في الشرق الأوسط، وبيضم 133 مكتبة.
السور موجود فوق محطة مترو العتبة، والمواعيد من الساعة 10 صباحًا ولحد الساعة 10 مساءً.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
