The Definitive Guide to Living in the Capital , Cairo , Egypt

لو كنتم من عشاق الفن التشكيلي فبننصحكم تروحوا الفترة دي قصر الأمير محمد علي في المنيل، واللي بيستضيف حاليًا اتنين من المعارض الفنية المميزة وده في إطار الدور الثقافي للقصر، اللي بيهدف لتشجيع الشباب علشان يظهروا مهاراتهم في الفنون.

بيشارك في المعرضين دول فنانيين شباب من محافظات “المنصورة” و”قنا”.

المعرض الأول هيكون بعنوان “إشراقات فنية” وبتعرض فيه أعمال فنية من إنتاج طلبة كلية الفنون الجميلة، جامعة المنصورة، وهدف المعرض ده تسليط الضوء على الطلبة المتميزين وأعمالهم الفنية، ومشارك فيه 70 طالب من مختلف أقسام الكلية، بـ 74 عمل متنوع، مابين أعمال زيت وتصوير وجرافيك ونحت، وهيستمر المعرض لحد 5 فبراير.

وتحت عنوان “قنا.. هنا”، هنشوف منتجات المعرض التاني، واللي هنتعرف فيه على مجموعة كبيرة من التراث القناوي، والصناعات اليدوية اللي بتشتهر بيها محافظات الصعيد، زي الحلي والخوص والخرز والخيوط والفخار، وهيبقى فرصة نتعرف فيها أكتر عن الحضارة المصرية والتراث. هيستمر المعرض لحد 11 فبراير.

نتمنى لكم زيارة ممتعة للقصر.

عنوان القصر: : 1 شارع سراي المنيل – القاهرة.

تليفون: ​20223610561+