لعشاق الفن التشكيلي.. 3 معارض في القاهرة في انتظاركم في الويك إند
أخبار الفن والثقافة فعاليات فنية في العاصمة المصرية معارض فن تشكيلي في القاهرة معارض فنية في القاهرة
Mohamed Talaat
لو كنتم من عشاق الفن التشكيلي ومشاهدة اللوحات الفنية الجميلة، فيه 3 معارض فنية في القاهرة ممكن تزوروهم في الويك إند ده.. إيه تفاصيل المعارض وهيكونوا فين؟ ده اللي هتعرفوه لما تتابعوا الموضوع ده.
عالم موازي في “أوبونتو”
جاليري “أوبونتو” بيستضيف الفترة دي معرضين جداد: الأول هو “في العالم الموازي” للفنان محمد خالد عمران، واللي بيعرض خلاله أعماله الفنية المختلفة زي اللوحات والزجاج الملون والفسيفساء والمنحوتات وفن التركيب.
أما المعرض الثاني فهو النسخة الثالثة من معرض “شبابيك البنات”، بمشاركة رانا سمير وفاطمة مصطفى ومريم سليمان، واللي بيحاولوا يستكشفوا من خلال أعمالهم الفنية تفاصيل بناتي جدًا.
عنوان الجاليري: 20 ش حسن صبرى, تقاطع ش ابن الزنكى, الزمالك, القاهرة. امام السفارة الملكية الهولندية.
حكايات من البيئة في “تام”
أما جاليري “تام“، فبيستضيف معرض “تريفيكا”، اللي بيشارك فيه 3 فنانين، وهم: أمير عبدالغني، وبانسيه أحمد، ومصطفى خضر. وبيناقش الفنانين من خلال أعمالهم مواضيع مؤثرة في المجتمع والوجود والبيئة.
عنوان الجاليري: الكيلو 28، طريق القاهرة الإسكندرية الصحراوي.
تصوير سريالي في “لمسات”
كمان بيستضيف جاليري “لمسات” المعرض الدولي للتصوير السريالي، واللي بيضم أعمال لفنانين سرياليين مميزين جدًا.
عنوان الجاليري: 8 شارع قصر النيل، وسط القاهرة.
تقدروا تعرفوا كل الأنشطة والفعاليات اللي بتحصل في القاهرة من أجندة كايرو 360 هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
