The Definitive Guide to Living in the Capital , Cairo , Egypt

فن وثقافة

لعشاق الفن السابع.. اعرفوا أرخص سينمات في القاهرة

أحدث الأفلام أسعار تذاكر سينمات القاهرة السينما سينمات في مصر سينمات وسط البلد لأرخص سينمات في القاهرة
لعشاق الفن السابع.. اعرفوا أرخص سينمات في القاهرة
بواسطة
Cairo 360

رنا شرف

تيجي نروح السينما؟ جملة بتتقال لما نكون عاوزين نخرج ومافيش خطة معينة للخروج، في الحالة دي بندور على اقتراح سهل وممتع في نفس الوقت، وده لأن السينما من وقت ظهورها في مصر كانت وما زالت خروجة بيتفق على حبها الأغلبية وقادرة تبهجنا، وغالبًا بعدها بيبقى لازم نستمتع بعشاء بسيط يا شاورما يا أي وجبة سريعة، أو حتى عصائر.

ولأن الدنيا بقت غالية، وكلنا عايزين نوفر ونخرج، قولنا نجيب لكم أسعار أرخص تذاكر سينما في القاهرة.

سينمات في وسط البلد

شارع عماد الدين هو عاصمة السينمات في وسط البلد، فيه أكتر من سينما زي رينسانس وكوزموس وداون تاون وزاوية وسينمات أكتر، والأسعار هناك معقولة جدًا رغم جودة صالات العرض المكيفة اللي بتعرض أحدث الأفلام. متوسط سعر التذاكر هناك 60 جنيه.

منطقة وسط البلد كمان فيها أرخص تذكرة سينما في القاهرة تقريبًا، ودي بتوفرها سينما بيجال، اللي متوسط سعرها 30 جنيه.

سينمات في مناطق تانية في القاهرة

أرخص سعر تذكرة سينما في المعادي بتوفره سينما بندر، اللي سعر التذكرة فيها الصبح 60 جنيه وبعد الظهر بتبقي ب 90 جنيه.

سينما نايل جراند تاور بتوفر هي كمان اسعار معقولة جدًا، وهي موجودة على كورنيش النيل بداخل فندق جراند نايل تاور في حي جاردن سيتي، حفلاتها الصباحية سعر تذكرتها 50 جنيه، والحفلات المسائية بتبدأ من 75 جنيه وبتوصل لـ100 جنيه.

وفيه كمان سينما جالكسي المنيل، ودي من السينمات القديمة الجميلة في القاهرة، وسعر تذاكر حفلاتها الصباحية 60 جنيه، والحفلات المسائية بـ90 جنيه.

 

بنتمنى لكم مشاهدة سعيدة في سينمات القاهرة!

مقترح