The Definitive Guide to Living in the Capital , Cairo , Egypt

لو بتفكروا تتعلموا حرفة يدوية كهواية، أو لو كنتم بتفكروا تعملوا “كارير شيفت”، فالفرصة موجودة دلوقتي من خلال مركز الحرف التقليدية التابع لصندوق التنمية الثقافية، والتابع بدوره لوزارة الثقافة المصرية، واللي أعلن في الفترة الأخيرة عن استقابله لطلبات الاشتراك في مبادرة “صنايعية مصر”، لكل المهتمين من سن 18 سنة وحتى 40 سنة.

مبادرة “صنايعية مصر” بتهدف لإحياء تراث الحرف اليدوية التقليدية، وتم إطلاقها في 2019، وهي متاحة لكل المهتمين بتعلم الحرف اليدوية، حتى لو ماكنش معاهم أي شهادات تعليمية، يعني الفرصة متاحة للكل، والتقديم بيكون عن طريق الإنترنت أو مقر المركز مباشرة.

الحرف اللي هيتم التدريب عليها هي، صناعة الخزف، أشغال النحاس، الصدف، الحلي، فن الخيامية، قشرة الخشب، وهيستمر التدريب لـ 4 أشهر للمبتدئين.

والتدريب والدراسة بيكون خلال 52 ساعة شهريًا، منهم 16 ساعة نظري، و36 ساعة عملي للتطبيق، في مقر مركز الحرف التقليدية في الفسطاط.

وعلشان تعرفو أكتر عن التقديم  زوروا صفحة الفيسبوك من هنا.

العنوان: 1 شارع الإمام، خلف جامع عمرو بن العاص، الفسطاط، مصر القديمة.

رقم التليفون: 0227412324