Mohammed Sabry
العالم كله بيحتفل باليوم العالمي للكتاب في 23 أبريل من كل سنة. بس التوقيت ده ماجاش صدفة، إنما في التاريخ ده من سنة 1616 اتوفى أكتر من كاتب مشهور، منهم: ميجيل دي سيرفانتس – وليم شكسبير – إلاينكا جارسيلاسو دي لافيجا.
كمان يوم 23 أبريل بيصادف ذكرى ولادة أو وفاة عدد من الأدباء المرموقين زي موريس درويون – هالدور ك – لاكسنس – فلاديمير نابوكوف – جوزيب بلا – مانويل ميخيا فاييخو.
علشان كده مؤتمر اليونسكو العام في باريس سنة 1995، كان طبيعي يختار التاريخ ده. لإن اليونسكو حبت تعبر عن حبها وتقديرها للكُتاب والمؤلفين. وبالتالي التشجيع على القراءة بين كل الفئات، وخاصة الشباب.
عن الاحتفال السنة دي
بتحتفل منظمة الأمم المتحدة للتربية والعلم والثقافة “اليونسكو” النهارده الثلاثاء، باليوم العالمي للكتاب وحقوق المؤلف تحت شعار “افتح كتابًا..تفتح أذهانًا”.
وبيهدف الاحتفال السنة دي لدراسة واستعراض الطرق المناسبة لنشر ثقافة الكلمات المطبوعة والسماح للجميع بالوصول إليها، وده من خلال برامج محو الأمية وموارد تعليمية مفتوحة ودعم التوظيف فى مجال النشر.
وتم إعلان مدينة الشارقة كعاصمة عالمية للكتاب لعام 2019 وبكده بتكون أول مدينة خليجية تحصل على اللقب ده، والثالثة في الوطن العربي، بعد كل من بيروت والإسكندرية، والـ19 على مستوى العالم.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
