Cairo 360
بعد طول انتظار وترقب، وتكهنات كتير حوالين الأغنية الرسمية اللي هتقدمها مصر للعالم في افتتاحية النسخة الـ 32 من بطولة كاس الأمم الأفريقية 2019 واللي هتنطلق من مصر يوم الجمعة الجاية، أخيراً تم الإعلان عن الأغنية الرسمية لـ “كاف 2019” وعن المشاركين فيها.
“متجمعين” هو أسم الأغنية الرسمية لكأس الأمم الأفريقية، واللي هيشارك في غنائها ثلاثي غنائي عالمي، أولهم الفنان المصري الشعبي “حكيم” واللي هيغني بالعربي، وطبعًا مش جديد عليه تقديم احتفالات عالمية، واللي كان منها حفلة توزيع جوائز نوبل، وغني في أكبر المحافل الدولية ومنها مسرح الأولمبيا أو “مسرح العظماء” في باريس، وخد ساعتها لقب “العالمي” بسبب شعبيته الكبيرة، وتقديمه دويتوهات مع كبار المطربين، وحفلاته الغنائية المستمرة.
الفنان الثاني هو الفنان النيجيري “فيمي كوتيه” و هيغني بالإنجليزي، و”كوتيه” كان غني قبل كده في حفلة افتتاح كأس العالم 2010 في مدينة جوهانسبرج، وكان اترشح قبل كده لجائزة الجرامي ٤ مرات.
أما الفنان الثالث اللي هيشارك في الأغنية فهي الفنانة العالمية “دوبيه” من كوت ديفوار، واللي كانت فازت بجائزة جرامي سنة ٢٠٠٤ وهتغني في أغنية “متجمعين” بالفرنسي.
كليب الأغنية من إخراج المخرج “ياسر سامي” وتم التصوير في مناطق مختلفة ومتنوعة، وبتقنيات عالمية، واللي هيخليها تبقى مفاجأة عالمية بمجرد عرضها.
“متجمعين” من إنتاج شركة “سينرجي” التابعة لمجموعة إعلام المصريين للمنتج “تامر مرسي” وشارك في خروج العمل ده للنور عدد كبير جدًا من التقنيين والفنانيين، منهم المؤلف “محيي”، والملحن “شريف حمدان”.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
