The Definitive Guide to Living in the Capital , Cairo , Egypt

رغم أن الفنان القاهرى المولد محمود مختار، رحل عن عالمنا من حوالى ثمانية أعوام، لكن ذكراه وأعماله لسه عايشة وشامخة فى متحف محمود مختار الموجود فى الزمالك قريب من دار الأوبرا المصرية.

قبل ما تدخل لمكان أعمال محمود مختار الفريدة، هـ تشوف حديقة مكشوفة خارج المكان بـ تحيط المتحف مليانة أشجار، نباتات وممشى من الطوب بـ يوصلك للمدخل، صحيح الحديقة صغيرة شوية، لكنها فيها إحساس بالبهجة. الحديقة نفسها معروض فيها بعض تماثيل برونزية كبيرة للنحات تم ترتيبها بعناية وسط المنطقة الخضراء، وقدرت تخلق جو هادئ ومريح.

المتحف تم بناؤه تحت إشراف المعمارى المصرى الراحل رمسيس ويصا واصف، لكن فكرة تخليد ذكرى النحات الشهير جاءت فى الأصل من الرائدة فى مجال الدفاع عن حقوق المرأة هدى شعراوى، صديقة الفنان محمود مختار وفى نفس الوقت المشهورة باهتمامها بالفنون.

داخل معرض محمود مختار مجموعة من التماثيل بأحجام مختلفة منها الصغير، والمتوسط والمماثل للحجم الحقيقى مصنوعة من البرونز، والرخام، والأحجار، والجرانيت ومسحوق الجبس، اللى استخدمه فى نحت تماثيل كبيرة على الحائط بـ تعطى إحساس أنها محفورة فى الصخر نفسه، والطريقة دى تعتبر قريبة إلى حدٍ ما من المستخدمة فى العصور الفرعونية. القطع المذكورة بـ يكون مقاسها حوالى 4 متر x 2 متر، وممكن تقرأها كأنها قصة.

اختياراته للمواد المستخدمة لعمل التماثيل تعكس أهمية النماذج المختارة للنحت؛ على سبيل المثال، تمثاله لإيزيس من عصر المصريين القدماء، والمنحوت من الرخام الأبيض، وهى نفس المادة المستخدمة لبناء تماثيل آلهة اليونان. الناس المهتمة بالفنون الفرعونية أكيد هـ يلاحظوا تصميم محمود مختار لتماثيل تشبه أجداده؛ لو تكلمنا على تمثال إيزيس كمثال، هو زود من طول المعدة للتدليل على أهميتها، طولها وقوتها.

الأفكار الرئيسية لأعماله الموجودة فى المعرض بـ تدور حول العصر الفرعونى، والإسلامى والعلاقة الرابطة بين مصر القديمة والحديثة. سهل تشوف الأفكار وأنت بـ تتمشى فى المعرض فى صورة مصريين معدمين بـ يتسولوا الفلوس والأكل، ناس بـ تشتغل بكل قوة فى الحقول، سيدات بـ يحملوا أوعية مياه كبيرة فوق رأسهم، كل ما سبق بجانبه تماثيل لملكات من زمن مصر الفرعونية.

واحد من أشهر أعمال محمود مختار تمثال اسمه “نهضة مصر”، وصحيح التمثال الأصلى غير موجود داخل المتحف، لكن متوفر عدد من الصور له. التمثال الحقيقى موجود فى ميدان النهضة، قريب من حديقة الحيوان، وهو عبارة عن مخلوق يشبه أبو الهول وبجانبه تمثال لسيدة، والمقصود منه تصوير رحلة التطور والصعود فى مصر.

تمثال سعد زغلول كمان يعتبر من أشهر أعمال محمود، رغم أنه برضه غير موجود فى المتحف، ومتوفر منه فقط ماكيتات على حوائط المتحف، أما التمثال الحقيقى مش بعيد عن ميدان الجزيرة قريب من حديقة الحرية، وتمثال آخر لسعد زغلول موجود فى محطة الرمل بالإسكندرية.

معرض محمود مختار يعتبر شهادة تقدير وإجلال للنحات كشخص، وطبعًا لموهبته الفنية المبهرة، أما أكبر مفاجآت المتحف فكانت تقع فى الدور الأرضى داخل غرفة صغيرة، والغرفة هى مكان مقبرته. مقبرة رخام رائعة مكانها على شمال الغرفة، وعلى اليمين تمثال يجسد رأسه من تنفيذ صديقه المثّال أنطون حجار. كمان فى المنطقة المفتوحة المجاورة مجموعة من متعلقاته الشخصية منها جواز سفره، جزء من ملابسه ومجموعة من أدوات شغله. التفاصيل مش كلها مكتوبة فى المتحف، لكن هناك هـ تلاقى عدد من أمناء المتحف عارفين كل حاجة ويسعدهم أنهم يجاوبوا على أى سؤال.

المتحف مفتوح كل يوم الصبح من 9 صباحًا إلى 2 مساءً وبالليل من 5 مساءً إلى 9 مساءً، ماعدا أيام الاثنين والجمعة بـ يكون مقفول طوال اليوم. ننصحك بتخصيص من 40 دقيقة إلى ساعة لاستكشاف كل التماثيل الموزعة على ثلاثة أدوار فى غرف تشبه المتاهات.

سعر الدخول للمصريين 5 جنيه والأجانب 10 جنيه، وهى أسعار هائلة للاستمتاع برحلة شيقة فى عالم محمود مختار