The Definitive Guide to Living in the Capital , Cairo , Egypt

إدارة مهرجان القاهرة لسينمائي الدولي أعلنت رسميًا أنها هتمنح النجمة الشابة منة شلبي، جائزة فاتن حمامة للتميز السنة دي، تقديرًا لمسيرتها الفنية اللي وصفتها إدارة المهرجان بإنها “حافلة بأعمال سينمائية متميزة”.

محمد حفظي رئيس المهرجان قال إن منة شلبي اتميزت باختيار أدوارها الجرئية وطرقت أبواب مش معتادة علشان تكون واحدة من أهم ممثلات جيلها في وقت قياسي، ورغم إن فيه منافسات ليها في جيلها لكنها نجحت في إنها تخلص وتتمسك بحب السينما واستحقت إنها تتكرم في الدورة 41 من مهرجان القاهرة السينمائي.

منة شلبي علقت على منحها الجائزة لوكالة “رويترز“، وقالت إنها فخورة بالتكريم، وإنها لما كانت ممثلة جديدة كانت بتتمنى تجيلها دعوة لحضور افتتاح مهرجان القاهرة السينمائي بإسمها، وبعد 20 سنة تمثيل اتكتب اسمها ولكن على جائزة تكريم وكمان باسم الفنانة فاتن حمامة.

مبروك لمنة شلبي!