The Definitive Guide to Living in the Capital , Cairo , Egypt

ومافيش فرحان في الدنيا زي الفرحان بنجاحه، ومافيش أكتر من فرحة الممثل المصري الكندي مينا مسعود، خاصة بعد دوره الأخير في فيلم “علاء الدين”، واللي تم دعوته رسميًا بسببه لحضور مهرجان الجونة وتكريمه على هامش المهرجان، بعد ما تخطت ايرادات الفيلم حاجز المليار دولار.

قناة سكاي نيوز عملت حوار خاص مع مينا مسعود، أكد فيه إنه نفسه يجسد شخصية العندليب الأسمر عبد الحليم حافظ في فيلم سينمائي ضخم.

وقال إن حبه لشخصية عبد الحليم سببها إن قصة حياته فيها كفاح وغموض ومهمة، وأضاف إنه لحد دلؤتي مش معروف لو كان حليم اتجوز ولا لأ، وهل اتجوز من سعاد حسني فعلاً؟ وتابع إن فيه حالة فضول واهتمام عند ناس كتير لمعرفة جوانب خفية من حياة عبد الحليم.

مينا مسعود بيشتغل حاليًا على مسلسل درامي جديد اسمه انتقام “Reprisal”، وهيعرض على شبكة هولو، ووصفه بإنه مسلسل مختلف، وكمان بيأسس شركة إنتاج هتكون مهمتها إنتاج قصص فنية من مصر والعالم العربي.

مينا مسعود هو ممثل كندي من أصل مصري، اتولد في 17 سبتمبر 1991، وشركة ديزني اختارته علشان يلعب دور “علاء الدين” في 2017، في النسخة الواقعية للفيلم، كمان لعب دور طارق القصار في المسلسل التلفزيوني جاك رايان، و له دور في مسلسل نيكيتا في الموسم الأول، وقام بالمشاركة بالأداء الصوتي في لعبة واتش دوجز 2.