The Definitive Guide to Living in the Capital , Cairo , Egypt

بملامح جميلة، وعيون مؤثرة، وموهبة تمثيلية ماحدش يقدر ينكرها، نجحت الفنانة نادية لطفي في حجز مكانة مميزة في قلوب كل الجماهير العربية، من بداية ظهورها في عالم السينما المصرية ولحد رحيلها النهارده 4 فبراير 2020، لكنها هتفضل عايشة في قلوبنا للأبد.

رحلت فنانتنا العظيمة عن عمر يناهز 83 سنة، وده بعد صراع مع المرض تسبب في دخولها العناية المركزة.

الفنانة نادية لطفي، واسمها الحقيقي بولا محمد مصطفى شفيق، من مواليد 3 يناير 1937 في حي عابدين بالقاهرة، وحصلت على دبلوم المدرسة الألمانية بمصر عام 1955، وأكتشفها المخرج الكبير رمسيس نجيب اللي قدمها للسينما وكمان هو اللي اختار لها الاسم الفني “نادية لطفي” وكان مقتبس من شخصية “نادية” اللي قدمتها الفنانة فاتن حمامة في فيلم “لا أنام”.

وبسرعة الصاروخ وصلت الفنانة نادية لطفي للنجومية السينمائية ونجحت في تقديم عشرات الأفلام المهمة وكان من أبرزها (بين القصرين، الناصر صلاح الدين، لا تطفىء الشمس، الخطايا، السمان والخريف).

كمان لها مسلسل تليفزيوني واحد بعنوان “ناس ولاد ناس”، ومسرحية واحدة كمان اسمها “بمبة كشر”، وكانت الفنانة الراحلة معروف عنها حبها للحيوانات والدفاع عنهم، كمان كان ليها مواقف وطنية وثقافية مهمة جدًا.

وداعًا نادية لطفي، شقراء السينما المصرية.