3 متاحف ثقافية في انتظاركم النهارده.. الدخول مجانًا بمناسبة نصر أكتوبر
متاحف القاهرة متاحف ثقافية متاحف فنية في القاهرة متاحف مجانية في شهر اكتوبر متحف أحمد شوقي متحف طه حسين متحف محمود مختار نصر اكتوبر
Cairo 360
قررت وزارة الثقافة، فتح المتاحف الفنية والقومية مجانًا لجميع الزوار اليوم الأحد 6 أكتوبر 2024 بمناسبة ذكرى انتصار حرب أكتوبر، وخلال السطور الجاية هنعرفكم على المتاحف دي.
متحف طه حسين بالهرم
في مدخل المتحف هتلاقوا تمثال بيمثل رأس طه حسين من البرونز من عمل الفنان عبد القادر رزق سنة 1936، وداخل المتحف هتشوفوا الكرسي اللي كان بيجلس عليه طه حسين، والمكتب اللي كان بيكتب سكرتيره عليه، وقاعة الطعام والمكان المخصص لابنه مؤنس وكمان غرفتبن الإدارة، وعرض لبعض المتعلقات للدكتور طه حسين من ملابس وأوسمة عربية وأجنبية وقلادة النيل اللي حصل عليها والميداليات اللي أعطيت له في مناسبات مختلفة.
العنوان: 11 شارع طه حسين – مدكور – فيصل – الجيزة.
متحف أحمد شوقي بالجيزة
داخل المتحف في الطابق الأرضي هتشوفوا مكتبة أحمد شوقى اللي بتحوي 332 كتاب إضافة لمسودات مخطوطات لشعره بخط يده، وفيه كمان أعمال منسوبة للمطرب والملحن محمد عبد الوهاب اللي قدمه أحمد شوقى إلى الفن واللي غنى أعمال من كتابة أحمد شوقى، كمان فيه مكتبة سمعية عالية التقنية فى المتحف بتحوي تسجيلات لأداء غنائى لعبد الوهاب بحضور أحمد شوقي.
والطابق العلوى بيتضمن غرفة نومه إضافة لغرفة نوم زوجته خديجة شاهين، كمان فيه غرفة ثانية بالطابق العلوى فيها أكثر من 750 مخطوطة ومسودة لأعمال الشاعر ومجموعة من اللوحات الزيتية والتحف والصور اللي بتتعلق بحياة أمير الشعراء.
العنوان: ميدان الجيزة بجوار كوبري الجامعة – الجيزة
متحف محمود مختار في منطقة الجزيرة
المتحف بيضم تماثيل النحات المصرى محمود مختار (10 مايو 1891 – 28 مارس 1934)، اللي بيعتبر أحد الفنانين الرواد القلائل فى فن النحت وصاحب تمثال نهضة مصر الشهير.
متحف الفنان محمود مختار أصبح قبلة لدارسي الفنون في مصر وشاهد على فترة تاريخية وسياسية مهمة.
العنوان: 25ش التحرير-بجوار نادي القاهرة-الدقي.
مقترح
معالم وسياحة
الصحراء البيضاء في مصر: كأنك على كوكب تاني!
أجمل الصحاري في العالم أماكن تخييم في مصر +11
الحياة في كايرو
