The Definitive Guide to Living in the Capital , Cairo , Egypt

متحف المركبات الملكية في منطقة بولاق أبو العلا واحد من أهم وأجمل المتاحف المصرية. بيضم مجموعة نادرة ومميزة من وسائل النقل والقطع الأثرية اللي كانت بيستخدمها أهم الشخصيات في فترة الحكم الملكية. خلال السطور الجاية هنقول لكم على 5 أسباب بتخلينا واقعين في غرام المتحف ده.

 

1 – العربات الملكية

منظر العربات الملكية مبهر! بيضم المتحف مجموعة من العربات الملكية من أنواع مختلفة، أشهرها العربة التي أهدتها الإمبراطورة الفرنسية أوجيني إلى الخديوي إسماعيل بمناسبة افتتاح قناة السويس، المتحف بيضم كمان 5 قاعات عرض منهم قاعة للعرض المرئي لعرض أفلام وثائقية عن المركبات.

 

2 – الكنوز المدهشة

متحف المركبات الملكية بيضم نياشين خاصة بالخديوي إسماعيل، وكمان فيه ميدالية اتحاد الفروسية المصنوعة من الذهب، وتمثال من المعدن للاعب “بولو” وحصانين صغيرين مصنعين من البرونز، ومجموعة تماثيل من البورسلين الملون، ده غير السروج العسكرية اللي كانت بتستخدم في العصر العثماني، وسروج أطفال وسيدات.

3 – بيرحب بأصحاب الهمم

المميز في المتحف أنه موجود أمام كل تحفة أثرية، كتيب شرح على طريقة برايل لمساعدة ذوي الهمم من فاقدي الإبصار، وكمان فيه شرح لذوي الهمم من أصحاب الإعاقة السمعية عن طريق لغة الإشارة.

 

4 – متحف نادر

المتحف، اللي أنشأه الخديوي إسماعيل سنة 1863، بيعد من أندر المتاحف على مستوى العالم بعد متاحف إنجلترا والنمسا وروسيا.

 

5 – رحلة غير مكلفة

سعر الدخول للمتحف 20 جنيه فقط، و10 جنيهات للطلبة، واستخدام كاميرا التصوير بسعر 50 جنيه، والتصوير بالموبايل مجانًا، والمتحف فريب من مترو جمال عبد الناصر، وبالتحديد في منطقة بولاق أبو العلا، ومواعيد الزيارة من 9 صباحًا، حتى 5 مساءً.