The Definitive Guide to Living in the Capital , Cairo , Egypt

كتير من نجمات ونجوم مصر كانت بدايتهم في مسرح الجامعة، واللي كتير من الطلاب بيعتبروه مساحتهم الإبداعية للتعبير عن مواهبهم الفنية سواء في التمثيل أو الإخراج أو حتى الاستعراض. وبنتوقع في السنين الجاية يظهر عدد من النجوم اللي هيقولوا إن بدايتهم الحقيقية كانت من مسرح دولت أبيض، وهو المشروع الفني الأهم اللي شغالة عليه حاليًا جامعة القاهرة، واللي يهتفح أبوابه لمواهب الطلاب قريبًا.

ودولت أبيض هي ممثلة سينما ومسرح مصرية، اشتهرت في السينما المصرية بدور الأم القاسية. أمها من أصول روسية ووالدها حبيب بطرس قصبجي من أسيوط. اكتشفها عزيز عيد وتزوجت من الفنان الكبير جورج أبيض سنة 1923 فغيرت اسمها من دولت قصبجي لأبيض.

تعالوا نتعرف أكتر على مسرح دولت أبيض من خلال 5 معلومات فيهم الخلاصة:

1 – تم وضع حجر الأساس لمسرح دولت أبيض بالمدينة الجامعية التابعة لجامعة القاهرة في مايو 2020.

2 – المسرح مساحته 2450 متر، وبيتكون من 7 طوابق، وبيضم 6 قاعات VIP، وصالتين عرض للجمهور، وقاعات للبروفة، و600 كرسي.

3 – الأعمال الإنشائية بمسرح دوت أبيض وصلت لمراحل متقدمة وبلغت نسبة الإنجاز 75%، وجاري الانتهاء من التشطيبات الداخلية والخارجية والأعمال الإليكتروميكانيكية.

4 – مهمة المسرح الأساسية هي خلق مساحة لاكتشاف الموهوبين والمبدعين من طلاب الجامعات وتقديمهم للمجتمع.

5 – بتقول جامعة القاهرة إن المسرح هيكون أيقونة جديدة في عالم المسرح الجامعي ومنارة لدعم رسالة الفن الراقي، وللمساهمة في إحداث نقلة نوعية في النشاط المسرحي والفني الجامعي.